კადრები ათენის აეროპორტიდან სადაც ასობით მგზავრს მოუწია ღამის გათენება (სურათები)

დიდთოვლობამ საბერძნეთში, არა მარტო გზებზე  შექმნა პრობლემები, არამედ ხელი შეუშალა ქვეყნის შიდა და საერთაშორისო ფრენების განხორციელებასაც. 

ასობით ადამიანი იძულებული გახდა ღამე აეროპორტის შენობაში გაეთენებინა, რადგან  თოვლის გამო არ არსებობდა არანაირი საშუალება, რაც მათ დანიშნულების ადგილზე გადაყვანას უზრუნველყოფდა. 

აეროპორტში ჩარჩენილი მგზავრების განცხადებით, გვიან ღამემდე არავინ დაინტერესებულა თუ რას შეჭამდნენ ან სად დაიძინებდნენ ისინი. აღსანიშნავია, რომ მათ შორის მრავლად იყვნენ ბავშვები და მოხუცებიც. რის შედეგადაც მგზავრების უმეტესობა იძულებული გახდა აეროპორტის სკამებზე ან იატაკზე დაეძინა.

კითხვაზე მიიღეს თუ არა მგზავრებმა, აეროპორტის ადმინისტრაციისგან რაიმე ინსტრუქციები იმის შესახებ თუ როგორ უნდა მოქცეულიყვნენ შექმნილ ვითარებაში ერთ-ერთი მგზავრი პასუხებს, რომ მხოლოდ აეროპორტის დინამიკებიდან გაისმა მითითებები პირბადის ტარების და საჭირო დისტანციის დაცვის შესახებ. 

აეროპორტის წარმომადგენლის განცხადებით, 25 იანვარს ცუდი ამინდის გამო მინიმალურად შემცირებული იქნება ფრენები.

ზოგადად ქვეყანაში ვითარება ამ დრომდე რთულია, ამ დრომდე მიმდინარეობს სამაშველო სამსახურები თოვლის გამო გზებზე დარჩენილი ავტომობილების და მოქალაქეების დასახსნელად. 

სახელმწიფოს გადაწყვეტილებით, მოსწავლეთა უსაფრთხოების მიზნით სკოლა და ბაღები არც ხვალ გაიხსნება.

ასევე საინტერესოა

🔴საბერძნეთში ბუნებრივი კატაკლიზმებისა და სხვა კრიტიკულ მდგომარეობაში მყოფი საქართველოს მოქალაქეთა საყურადღებოდ!!!

🔴საბერძნეთში, პოლიციელმა პატარა გოგონა კილომეტრები ზურგით, ქარბუქსა და თოვლში ატარა

🔴საბერძნეთში, თოვლის გამო ქუჩაში დარჩენილ მძღოლებს 2000 ევრო გადაეცემათ