„მომდევნო 5 წლის განმავლობაში შესაძლოა, საჭირო იყოს წელიწადში ერთი ან ორი, კორონავირუსის საწინააღმდეგო ვაქცინის გაკეთება“ - ჰოპკინსის უნივერსიტეტის პროფესორი

შესაძლოა წელიწადში კორონავირუსის საწინააღმდეგო ვაქცინის ერთი ან ორი დოზის გაკეთება დაგვჭირდეს, - ამის შესახებ დღეს,  ტელეკომპანია MEGA-ს ეთერში, ჯონს ჰოპკინსის უნივერსიტეტის პროფესორმა, პანაგიოტის გალიაცატოსმა ისაუბრა. 

პროფესორი არ გამორიცხავს, რომ მომდევნო 5 წლის განმავლობაში შესაძლოა საჭირო იყოს წელიწადში ერთი ან ორი, კორონავირუსის საწინააღმდეგო ვაქცინის გაკეთება. აქვე მან ღიად დატოვა მეხუთე დოზის აუცილებლობის საკითხი:

„ვთვლი, რომ 60 წელს გადაცილებული  მოქალაქეებისთვის, კიდევ ერთი დოზა იქნება საჭირო."

„მსოფლიოში გაჩენილი სხვა ვირუსები, მაგალითად, როგორიც არის ჩუტყვავილა საჭიროებდა ბევრ დოზას, რაც შეეხება კორონავირუსს ჩვენ უნდა ვისწავლოთ მასთან ერთად ცხოვრება, თუმცა უნდა შევზღუდოთ ის გაციების დონემდე, შესაძლოა მომდევნო 5 წლის განმავლობაში დაგვჭირდეს წელიწადში 1 ან 2 დოზის მიღება სანამ საბოლოოდ არ შევამცირებთ მას" - განაცხადა პროფესორმა გადაცემაში საუბრისას. 

შეგახსენეთ, რომ საბერძნეთის, ვაქცინაციის ეროვნულმა კომიტეტმა "მწვანე შუქი" აუნთო კორონავირუსის საწინააღმდეგო  ვაქცინაციის მეოთხე დოზას.

კომიტეტის მიერ მიღებული გადაწყვეტილების  თანახმად, მეოთხე დოზით იმუნოდეფიციტის მქონე პირები აიცრებიან. 

ასევე საინტერესოა

🔵გაათავისუფლეს 48 წლის ქართველი რომელიც, ბერძენმა სამართალდაცავებმა რუსი მაფიოზის და მისი შეყვარებულის მკვლელობის ბრალდებით, შეცდომით დააკავეს

🔵საბერძნეთში, პაციენტის შვილი ექიმებს დანით და ბენზინით სავსე ბიდონით დაესხა თავს

🔵საბერძნეთის პრემიერ-მინისტრის სამთავრობო პროგრამა 86000 მოქალაქის დასაქმებას ითვალისწინებს