"ქართული შემოდგომა ათენში 2022"-ის ფარგლებში, საელჩომ საინტერესო საღამოს ვუმასპინძლეთ ათენის წიგნის ფესტივალზე" - დავით დონდუა

"14 სექტემბერს, "ქართული შემოდგომა ათენში 2022"-ის ფარგლებში, საელჩომ საინტერესო საღამოს ვუმასპინძლეთ ათენის წიგნის ფესტივალზე", - ამის შესახებ საბერძნეთში საქართველოს ელჩი დავით დონდუა სოციალურ ქსელში წერს.

"საღამო მიეძღვნა ვეფხისტყაოსანს და მის ბერძნულ თარგმანს. 

ღონისძიება გახსნა ფესტივალის დირექტორმა, ბერძენ გამომცემელთა ასოციაციის პრეზიდენტმა გრიგორის პლასტარასმა, რომელმაც მადლობა გადაუხადა საელჩოს წიგნის ფესტივალთან აქტიური თანამშრომლობისთვის.

მე წავიკითხე მოხსენება - „ადამიანი, როგორც მთავარი ფასეულობა ვეფხისტყაოსანში.

საელჩოს პირველმა მდივანმა, ელინისტმა ანი უძილაურმა ისაუბრა ვეფხისტყაოსნისა და ჰომეროსის ეპოსის ტიპოლოგიურ პარალელებზე.

სიტყვით გამოვიდნენ ასევე ბერძნული თარგმანის ავტორის, ემანუილ მიტაფიდისის შვილიშვილი, გრიგორი კირიაკოსი და თარგმანის რედაქტორი, ფილოლოგი თალია კაფეძი.

მათ ვრცლად ისაუბრეს რუსთაველის გენიალურ ეპოსსა და ბერძნული თარგმანის საინტერესო ისტორიაზე.

საღამოს ესწრებოდნენ, როგორც ფესტივალის სტუმრები, ასევე საელჩოს მიერ მოწვეული ბერძენი მეგობრები და კოლეგები, საბერძნეთის დიპლომატიური აკადემიის სტუდენტები და ქართული დიასპორის წარმომადგენლები", - აღნიშნავს დონდუა.

ასევე დაგაინტერესებთ:

* "მოკვდები და ამ ულოცველს, უმახულებელ, ჩაპუტკუნებულ-გაპრანჭულს-ნაღვაწი, მარხვისგან, ღამისთევისგან დასუსტებული ადამიანის გვერდზე რომ გინდა სასუფეველში დაჯდომა, სამართლიანია ეს?" - მამა ლევანი

* „მოსახლეობა უნდა მოემზადოს ძალიან რთული ზამთრისთვის, რაც განპირობებული იქნება გაზის ფასის ზრდით“ - საბერძნეთის პრემიერი