როგორ ამოვიცნოთ „ომიკრონის“ შტამი

კორონავირუსის, Omicron- ის შტამით ინფიცირების შემთხვევაში, ზოგიერთი ადამიანი, შემოწმების შემდეგ შეიძლება სრულიად უსიმპტომოდ აღმოჩნდეს კოვიდ დადებითი. გავრცელებული ინფორმაციით, არსებობს რამდენიმე ყველაზე ხშირი სიმპტომი, რომელმაც შეიძლება მიგანიშნოთ, რომ თქვენ  SARS-CoV-2-ის ამ კონკრეტული ვარიანტთან გაქვთ საქმე. 

Omicron- ის შტამი ხშირ შემთხვევაში ვლინდება  უბრალო გაციების დონეზე, განსაკუთრებით ვაქცინირებული მოქალაქეების შემთხვევაში, მაგრამ თუ ჩვენ გვექნება კონტაქტი იმუნურად დაუცველ ადამიანთან ის შეიძლება გაცილებით სერიოზულად დაავადდეს, სწორედ ამიტომ სასარგებლოა ვიცოდეთ იმ ნიშნების შესახებ, რომლებიც მიგვითითებენ, რომ შეიძლება ვიყოთ Omicron-ის მატარებლები.

ექსპერტების მოსაზრებით, „ომიკრონისთვის“ დამახასიათებელია ორი ძირითადი სიმპტომი: გამონადენი ცხვირიდან და თავის ტკივილი. 

"სურდო  და თავის ტკივილი მრავალი ინფექციის სიმპტომია, მაგრამ ისინი ასევე არიან Covid-19-ის თვის მახასიათებელი სიმპტომები. ამიტომ, თუ გაქვთ ეს სიმპტომები, მოგიწოდებთ, გაიკეთოთ სწრაფი ტესტი, ორი  24 საათის განმავლობაში“-  აღნიშნავს გაზეთ Independent-ში, ლონდონის საუნივერსიტეტო კოლეჯის, ეპიდემიოლოგიისა და ჯანმრთელობის პროფესორი აირინ პიტერსენი. 

როგორც ცნობილი, საერთო ჯამში Omicron-ის შტამისთვის მახასიათებელი, ყველაზე ხშირი, დაახლოებით 20 სიმპტომი გამოვლინდა. 

ბრიტანეთის Zoe Covid-ის აპლიკაციაში, Omicron-ის შტამით ინფიცირებული პაციენტების მიერ მითითებულ სიმპტომების პირველ ხუთეულში შედიან: გაციება, თავის ტკივილი, დაღლილობა, ცემინება და ყელის ტკივილი. ასევე ხშირი სიმპტომებია : ხმის ჩახლეჩვა, თავბრუდახვევა, მადის დაკარგვა და დეპრესია. 

ასევე როგორც ცნობილია, ომიკრონის სიმპტომები დელტასთან შედარებით უფრო სწრაფად ვლინდება და შედარებით მოკლეა მისი ინკუბაციური ( ანუ ფარული) პერიოდი.  

დიდი ბრიტანეთის პირველი ოფიციალური ანგარიში ცხადყოფს, რომ კორონავირუსის დელტას შტამთან შედარებით, ომიკრონის შტამის შემთხვევაში, ჰოსპიტალიზაციის რისკი 50%-დან 70%-მდე დაბალია. 

ასევე საინტერესოა

🔴საბერძნეთის მოსახლეობის ნაწილმა, დღეს ნათლისღების დღესასწაული აღნიშნა (ვიდეო)

🔴ქართველი ემიგრანტი ბერძნული მასტერ შეფის მეორე ტურში გადავიდა ( ვიდეო)

🔴15 მეხანძრე - მაშველი ცდილობს თამბაქოს საწყობში გაჩენილი ხანძრის ლიკვიდაციას საბერძნეთში (ფოტო/ვიდეო)