საბერძნეთში, მომავალი თვიდან ეპიდემიოლოგიური სურათი შეიძლება მკვეთრად შეიცვალოს - პროფესორი სასწრაფოდ ზომების მიღებას ითხოვს

ბერძენი პროფესორი ათინა ლინუს განცხადებით, საბერძნეთში კორონავირუსთან დაკავშირებით სიტუაცია სულაც არ არის დადებითი, ვინაიდან ბოლო პერიოდში გაიზარდა შემთხვევათა რაოდენობა და ექსპერტები კორონავირუსის შესაძლო, ახალი ტალღის   შესაჩერებლად სასწრაფოდ ზომების მიღებას ითხოვენ. 

 „კარგი იქნებოდა, პირბადის გამოყენებასთან და  დახურულ სივრცეში გადატვირთულობის თავიდან ასაცილებლად, სასწრაფოდ ზომების მიღება. ამ დროისთვის სხვა არაფრის გაკეთება არ შეგვიძლია, მაგრამ  ზომების მიღება ძალიან მნიშვნელოვანია"- განაცხადა პროფესორმა ბერძნულ მედიასთან საუბრისას სადაც განსაკუთრებული ყურადღება პირბადის ტარების ვალდებულების აღდგენის საკითხზე გაამახვილა. 

"ყველაზე ძირითადი ზომა პირბადის ტარება არის, განსაკუთრებით  ისეთ ადგილებში, სადაც იძულებული ხარ  სხვისგან, მეტრზე ნაკლები მანძილის დაშორებით იყო, თუნდაც ეს იყოს ღია თეატრებში და ზოგადად ღია სივრცეში გამართულ  ღონისძიებებზე".

პროფესორმა ასევე აღნიშნა, რომ ყოვლად დაუშვებელი პირბადის გამოყენება სავალდებულო  არ იყოს თვითმფრინავებში ისევე როგორც ავტობუსებში და სხვა საქალაქთაშორისო ტრანსპორტებში , რკინიგზისა და აეროპორტის მოსაცდელში. 

"თუ ზომები არ მიიღება, კორონავირუსის შემთხვევათა რაოდენობა მკვეთრად გაიზრდება და  მათ შორის აუცილებლად დაფიქსირდება სერიოზული შემთხვევებიც“_ განმარტა მან და დასძინა, რომ მდგომარეობის ამსახველი საერთო სურათი შეიძლება მკვეთრად შეიცვალოს უკვე მომავალ თვეში და არა შემოდგომიდან, როგორც ამას  ვარაუდობენ.

ასევე საინტერესოა:

🔵ტრაგედია საბერძნეთში: სახლში დარჩენილი ჩანთის გამო, 2 შვილის დედა მეზობლის აივნიდან გადმოვარდა

🔵 ძლიერი წვიმა ათენის ცენტრში და სამხრეთ გარეუბნებში

🔵საბერძნეთში მოქალაქეებს AMKA და AFM-ის ნაცვლად მხოლოდ ერთი პირადი ნომერი ექნებათ