საბერძნეთში, სანაპიროზე, მძიმედ დაშავებული პატარა ვეშაპი გამოირიყა

უჩვეულო შემთხვევა დაფიქსირდა ათენის გარე უბანში, კერძოდ ალიმოს სანაპიროდან რამდენიმე მეტრში,  პატარა ვეშაპი აღმოაჩინეს, რომელიც როგორც ჩანს მძიმედ არის დაშავებული. 

ადგილზე იმყოფებიან ვეტერინარები და მყვინთავები, რომლებიც ორიენტაცია დაკარგული ვეშაპის დახმარებას ცდილობენ. 

გავრცელებული ინფორმაციით პატარა ვეშაპი, ჯერ კიდევ გუშინ იმყოფებოდა ზღვის პირას, სადაც წყლის დონე დაბალია, მისი უსაფრთხოების მიზნით, დახმარება გაუწიეს და სიღრმეში გადაიყვანეს, თუმცა პატარა ვეშაპმა ისევ ნაპირისკენ გამოცურა. 

საზღვაო ბიოლოგიის პროფესორმა, კუცუბასმა  ტელეკომპანია SKAI-სთან საუბარში განაცხადა, რომ ეს ცხოველები ხშირად იღებენ დაზიანებებს გემის პროპელერებზე მოხვედრით, პროფესორი არ გამორიცხავს რომ პატარა ვეშაპს სწორედ ასეთი დაზიანება ჰქონდეს მიღებული და თანაც საკმაოდ სერიოზული. 

მან ასევე განმარტა, რომ ვეშაპი საერთოდ არ არის საშიში და ის ერთ-ერთი დაცული სახეობის წარმომადგენელია. 

პატარა ვეშაპს, შესაბამისი ლაბორატორიული გამოკვლევების ჩასატარებლად სისხლი უკვე აუღეს. 

როგორც პროფესიონალები აღნიშნავენ პატარა ვეშაპის მდგომარეობა მძიმეა და ამ წუთებში ის ძალიან იტანჯება.

ასევე საინტერესოა

🔴 საბერძნეთში, 2000 ევროს ოდენობის კომპენსაციის, თაღლითური გზით მითვისების მცდელობა დაფიქსირდა

🔴 სკოლები და საბავშვო ბაღები ატიკაში ხვალაც დაკეტილი იქნება 

🔴 საბრძნეთში დააპატიმრეს მღვდელი, რომელმაც არასრულწლოვანი გააუპატიურა, ეკლესიას მრევლმა, საღებავი შეასხა