საბრძნეთში დააპატიმრეს მღვდელი, რომელმაც არასრულწლოვანი გააუპატიურა, ეკლესიას მრევლმა, საღებავი შეასხა

საბერძნეთში, კატო პატისიას უბანში, წმინდა დიმიტრის სახელობის ეკლესიის კედლები უცნობმა პირებმა ვანდალურად შეღებეს.

აღნიშნული ქმედების მიზეზი გახლავთ ის, რომ რამდენიმე დღის წინ, საბერძნეთის პოლიციამ აღნიშნულ ტაძარში მოქმედი მღვდელმსახური, არასრულწლოვანი გოგონას გაუპატიურების ბრალდებით დააპატიმრა.

დაპატიმრებულია 37 წლის მღვდელი, რომელიც გახლავთ სამი შვილის მამა, რომელმაც 2019 წლის ბოლოდან 2020 წლის შუა რიცხვებამდე მრავალგზის გააუპატიურა არასრულწლოვანი ალბანელი გოგონა, რომლის მოძღვარიც და კატეხიზაციის მასწავლებელიც გახლდათ აღნიშნული სასულიერო პირი.

მღვდელი ათენში, კატო პატისიაში მდებარე ეკლესიაში მსახურობს, სადაც საბერძნეთის პოლიციის არასრულწლოვანთა დაცვის სამსახურის თანამშრომლები უთვალთვალებდნენ, მას შემდეგ რაც არასრულწლოვანი გოგონას მშობლების საჩივარი შევიდა საბერძნეთის პოლიციის სპეც. განყოფილებაში.

არასრულწლოვანი ალბანელი გოგონას განცხადებით, მღვდელი მას ეკლესიის ქვემოთ არსებულ კატეხიზაციის დარბაზში ხშირად აუპატიურებდა.

საბერძნეთის პროკურატურამ საქმის წარმოება დაიწყო, მღვდელი დააპატიმრა და საქმე ათენის მთავარ სასამართლოს გადასცა, რომელიც სამართლებრივად განსჯის აღნიშნულ სისხლის სამართლის დანაშაულს.

საბერძნეთის ეკლესიის მეთაურმა, უნეტარესმა იერონიმე მეორემ, მისი ეპარქიის იურისდიქციაში მყოფ აღნიშნულ სასულიერო პირს უმალვე მღვდელმოქმედება აუკრძალა, ხოლო განაცხადა, რომ ბრალის დამტკიცების შემთხვევაში, საბერძნეთის საეკლესიო სასამართლო მღვდელს განკვეთს და ერისკაცის დონემდე დაიყვანს.

არასრულწლოვანი გოგონას ადვოკატმა სატელევიზიო ინტერვიუში მადლობა გადაუხადა საბერძნეთის ეკლესიას და აღნიშნა, რომ ელადის ეკლესიის ადმინისტრაცია ბავშვის უფლებების დასაცავად ყველაფერს აკეთებს და ეხმარება სამართალდამცველებს სიმართლის დადგენაში.

წყარო:wenews.ge

ასევე დაგაინტერე­­­­სებთ:

🔵Covid - 19 - ზე აუცრლ ახალგაზრდას გულის გადანრგვაზე უარი უთხრეს

🔵სენაკში დაკარგულ კაცს ეძებენ - მისი კვალი შაბათს საღამოდან იკარგება

🔵პოლიციელი, რომელმაც ზუგდიდში ქალს სცემა, დაკავებულია