ასტროლოგ ხათუნა ნოელის რჩევები 19-29 დეკემბრისთვის

ასტროლოგ ხათუნა ნოელის რჩევები 19-29 დეკემბრის პერიოდისთვის:"ხვალ, 19 დეკემბერს ვენერა უკუსვლითი ხდება. ამაზე მე ადრეც მოგახსენეთ, როდესაც ვენერა  ჯერ კიდევ 17 ნოემბრიდან შევიდა ე.წ. მარყუჟში. ამასწინათ სტატიკურზეც გითხარით რომ რაღაცებს დააპაუზებდა.

პირველი დღეები საყიდლების და ხელშეკრულებების თემები ისევ შენელებული იქნება, შემდგომ თანდათან ძველი, გადადებული საქმეების წესრიგში მოყვანის საშუალება მოგეცემათ.

კი, ყოფილებიც შეიძლება დაბრუნდნენ. რამდენად დიდი ხნით, ეგ უკვე სხვა საკითხია.
ახლა ქორწინება სასურველია მხოლოდ მათთვის, ვისაც  ერთ ჭერქვეშ თანაცხოვრება უკვე დაწყებული აქვთ.
ხელშეკრულებებს, თუ თქვენი ვენერა რეტრო არაა, დროებითი ხასიათი ექნებათ. თუმცა  მუდმივი ისედაც არაფერია ამ ცის ქვეშ...

თუ ვენერა უკუსვლითი გყავთ რუკაში, მაშინ მოასწარით და იაქტიურეთ, ფინანსურ თემებშიც და სასიყვარულო ურთიერთობებშიც,  რადგან ''თქვენი დრო'' იანვრის 29 რიცხვის ჩათვლით გაგრძელდება მხოლოდ. დანარჩენებს კი ამ პერიოდში ცოტა თავის შეკავებას ვურჩევ, რათა შემდეგ, ვენერას მარყუჟიდან გასვლის მერე, ანუ 2 მარტის შემდგომ, არ აღმოაჩინოთ რომ წამგებიანი არჩევანი გაგიკეთებიათ."