ასტროლოგი ხათუნა ნოელი გვირჩევს, როგორ შევხვდეთ მერწყულის ეპოქას

ასტროლოგი ხათუნა ნოელი გვირჩევს როგორ შევხვდეთ მერწყულის ეპოქას და გვაფრთხილებს, თუ რას უნდა მოვერიდოთ და რა თვისებები უნდა წამოვწიოთ წინა პლანზე:

"ჩვენს გარშემო სამყარო იცვლება. ძველს თუ ჩაებღაუჭები, მომავალი შენც წარსულში დაგტოვებს, ჩამოგიცილებს, როგორც უვარგისს და გამოუსადეგარს. ახლა განა ის არის მთავარი, მომავალს არ მივცეთ მოსვლის საშუალება (საათის გაჩერებით დრო არ გაჩერდება), არამედ ამ მომავლის სწორ ფორმირებას უნდა შევუწყოთ ხელი და დროის მდინარეს არ მივცეთ საშუალება, არასწორ კალაპოტში ამოყოს თავი.

საუკუნენახევრის შემდეგ მერწყულის ერა დგება, მაგრამ ეს დროც კი არაფერია, წამია, მთლიანი ციკლის ფარგლებში. ამიტომ, მერწყულური ''სურნელი'' უკვე ახლავე იგრძნობა, ოღონდ როგორც შორეული ძლიერი ქარიშხლის ჩვენამდე მოღწეული სიო.
იმის თქმა მინდა, რომ ეს ჯერ მხოლოდ შესავალია, გენერალური რეპეტიციაც კი არაა, მაგრამ სწორედ დროის ამ მონაკვეთზე იქნება ძალიან ბევრი დამოკიდებული, რადგან როგორ საძირკველსაც ჩაყრი, სახლიც ისეთი აშენდება.

მე, მზით მერწყული, გეუბნებით თქვენ, რომ ეს მერწყულის ეპოქა ჯერ არ არის, მაგრამ უკვე აქედან უნდა შევუდგეთ მის სწორ მშენებლობას, რომ არ მივიღოთ მერწყულის ზოდიაქოს ყველაზე უარესი მხარე - ინდეფერენტულობა, პიროვნული მე-ს, ინდივიდუალურობის, სექსის, ეროვნულობის და ა.შ. იდენტობის დაკარგვა, ასიმილაცია, რობოტიზაცია, ანარქია და ასე შემდეგ.

ამის ნაცვლად, ის თვისებები უნდა წამოიწიოს წინ, რაც მერწყულში საუკეთესოა - მეგობრობა, ჰუმანიზმი, ერთად დგომის უნარი, საუკეთესო იდეალებისთვის უანგარო ბრძოლა, „მივაწვეთ“ ინტელექტს, განათლებას, ჭეშმარიტ, სამყაროს კანონებზე დამყარებულ მეცნიერებებს და არა ვიღაცების გამდიდრებაზე მორგებულ ფსევდო- მეცნიერულ, თავს მოხვეულ სიყალბეს."