„დიდი მიზნები პრაქტიკულ, მიღწევად ამოცანებად დაშალე და აუჩქარებლად, ნაბიჯ-ნაბიჯ მიჰყევი შენს საქმეს, სანამ სასურველს არ მიაღწევ“ - ასტროლოგ დავით ნიბლაძის რჩევები

ასტროლოგი დავით ნიბლაძე, ფეისბუკის საკუთარ გვერდზე წერს:

დღეს, 14 ივნისს, სავსე მთვარეა მშვილდოსანში ამ ნიშანს იუპიტერი მართავს - ზრდა-განვითარების, რწმენისა და ოპტიმიზმის პლანეტა. მისი ბუნება - გაზარდოს ყველაფერი, რასაც ეხება - ახლაც აქტუალურია. 

მთვარე ემოციებს უკავშირდება, სავსე მთვარე კი - რაღაცის მომწიფებასა და კულმინაციას. შესაბამისად, ეს არის რაღაც დიდის, არაჩვეულებრივის დრო ჩვენს ცხოვრებაში. რომელი აზრები და იდეები მომწიფდა შენში?

რა არის ის, რისთვისაც უკვე მზად ხარ? რა გადაითარგმნება ამ აზრების ლოგიკურ გაგრძელებაში - ქმედებაში? 

არ დაგვავიწყდეს, რომ იუპიტერი ამჟამად ვერძშია. წარმატებისთვის ინიციატივები და გამბედაობა დიდი დოზით დაგვჭირდება.  მშვილდოსანს ძალიან კარგად გამოსდის დეტალების მიღმა მთლიანი სურათის დანახვა, რაც, დამეთანხმები, მნიშვნელოვანი უნარია სამომავლო გეგმების შემუშავებისთვის.

მას შეუძლია, გასცდეს ყოველდღიურ ხმაურსა და დეტალებს და დაინახოს ამ ერთიანობის მიზანი - დიადი იდეა, რომელიც მისთვის შთაგონების წყარო გახდება.

გაქვს მკაფიოდ ჩამოყალიბებული მიზნები და საკმარისი თავდაჯერებულობა ამ მიზნების შესასრულებლად? 

სავსე მთვარისას მზე და მთვარე ნეპტუნთანაა ტაუ-კვადრატში ჩართული, რაც ილუზიებთან და ცრუ მოლოდინებთან გამკლავების მნიშვნელობაზე მიგვანიშნებს. ამჟამინდელი გამოწვევაც სწორედ ნეპტუნისეული ბურუსიდან გამორკვევა და იმ რეალობის აღქმაა, რომელშიც ვიმყოფებით.

გამოსავალი ნამდვილად არსებობს: მზისა და მთვარის ჰარმონიული ასპექტები სატურნთან.

ეს ასპექტი შანსს გვაძლევს, იუპიტერიანული მასშტაბები რეალობას მოვარგოთ და მიდგომებიც პრაქტიკულად შევიმუშაოთ.

სატურნის ენერგიის სწორად გამოყენებისთვის, დიდი მიზნები პრაქტიკულ, მიღწევად ამოცანებად დაშალე და აუჩქარებლად, ნაბიჯ-ნაბიჯ მიჰყევი შენს საქმეს, სანამ სასურველს არ მიაღწევ. 

სავსე მთვარისას დიდი სამკუთხედი მუტაბელურ ნიშნებშია, ამიტომ არ უნდა დაგვავიწყდეს, რომ მოქნილობა ბევრი რამის გასაღებად შეგვიძლია მოვიაზროთ.

რომელ ძალებს ვეჭიდებით პირისპირ? რისი შეცვლა შეგვიძლია ჩვენს მიდგომებსა და ტაქტიკებში, რომ გავიმარჯვოთ? არიან კი ეს ძალები ჩვენი ინტერესების საწინააღმდეგოდ მიმართული?  თუ მშვილდოსნის 24-ე გრადუსს და იუპიტერის მდებარეობას შეავლებ თვალს შენს რუკაში, უფრო მეტ მინიშნებას მიიღებ ამჟამინდელი პერსპექტივების შესახებ.წარმატებას და თავდაჯერებულობას გისურვებ!“- წერს ასტროლოგი.

ასევე წაიკითხეთ:

🔵 ნანუკას შოუ დაიხურა - რა ინფორმაციას ავრცელებს ნანუკა ჟორჟოლიანი

🔵  “მათ ეს სიტყვა არ მოეწონათ ერეკლესთან მიმართებით, ახლა ირაკლისთან მიმართებაში გაიგონონ – ირაკლი ღარიბაშვილის ყველა განცხადება არის მოღალატეობრივი“ - ბერძენიშვილი