ფლორენციაში, წმინდა ნინოს სამრევლო ტაძართან, ქართული საკვირაო სკოლა დაარსდა

იტალიაში, ქალაქ ფლორენციაში, საქართველოს საპატრიარქოს დასავლეთ ევროპის მიტროპოლიტ აბრაამის (გარმელია) კურთხევით, ფლორენციის წმინდა ნინოს სახელობის სამრევლო ტაძართან, ქართული საკვირაო სკოლა სკოლა დაარსდა. 

ბავშვებთან, მშობლებთან და პედაგოგებთან პირველი შეხვედრა, 6 ნოემბერს გაიმართა,
სკოლამ ფუნქციონირება უკვე 13 ნოემბერს დაიწყო.

ამ ეტაპზე საკვირაო სკოლაში, 30 მოსწავლე ირიცხება. სასწავლო პროცესში ჩართულნი იქნებიან პედაგოგები: მორჩილი ეკატერინე კოჭლამაზაშვილი, რეზო ჭეიშვილი, რიტა სიმსივე და ლარისა გოგუა. აქ პატარა ქართველები შეისწავლიან: ქართულ ენას და ლიტერატურას, ისტორიას, რელიგიის კატეხიზმოს, მუსიკას, ცეკვას, ხელოვნებასა და ხატვას. 

გაკვეთილები ჩატარდება ყოველ კვირას 12:30-იდან 16:00 საათამდე, წმინდა ნინოს სამრევლო ტაძრის დარბაზში, მისამართზე: Via dei Serragli 102, Firenze. დამატებითი ინფორმაციისთვის შეგიძლიათ დაუკავშირდეთ სამრევლო სკოლის პედაგოგს რეზო ჭეიშვილს T: +39 320 2411498.

ExclusiveTV-ის რედაქცია ულოცავს ტაძრის წინამძღვარ არქიმანდრიტ ანდრიას (ლაცაბიძე), ფლორენციის წმინდა ნინოს სამრევლოს და პატარა ქართველებს, ამ სასიხარულო და მეტად მნიშვნელოვან სიახლეს.

ნინა მამუკაძე

იტალია|ფლორენცია