იტალიაში გამოააშკარავეს პაპა, რომელიც 10 წლის შვილიშვილზე, წლების განმავლობაში ძალადობდა

იტალიაში გამოააშკარავეს პაპა, რომელიც 10 წლის შვილიშვილზე წლების განმავლობაში ძალადობდა. ეს სულის შემძვრელი ამბავი, ვიბო ვალენტიაში მოხდა. 

69 წლის მამაკაცმა შვილიშვილზე მას შემდეგ დაიწყო სექსუალურად ძალადობა, როდესაც გოგონას 8 წელი შეუსრულდა. ამას მამაკაცი ბავშვის უმცროსი დების თანდასწრებითაც აკეთებდა.

გოგონამ სცადა ოჯახის დანარჩენი წევრებისთვის ეთქვა, ის რაც მის თავს ხდებოდა, მაგრამ არავინ დაუჯერა. ოჯახის წევრებმა გოგონას უთხრეს, რომ ბევრ "ცუდ" ფილმს უყურებდა და შეეწყვიტა.

ამბავი სააშკარაოზე ბავშვის მასწავლებელმა გამოიტანა, რომელიც მიხვდა, რომ მის მოსწავლეს სახლში ყველაფერი რიგზე არ ჰქონდა, ნდობა მოიპოვა და მას შემდეგ რაც ბავშვმა ყველაფერი მოუყვა, ამის შესახებ პოლიციაში განაცხადა.

მოძალადე პაპა დააკავეს და აღკვეთის ღონისძიების სახით პატიმრობა შეუფარდეს. გამოძიებამ დაადგინა, რომ ბავშვის დედამ იცოდა ამ ყველაფრის შესახებ, მაგრამ ვერაფერს ამბობდა. როგორც ქალი აცხადებს, მან შვილს სთხოვა ტელეფონით ჩანაწერები გაეკეთებინა. 

ბავშვის გადაღებული მასალა შოკის მომგვრელი აღმოჩნდა. ირკვევა, რომ ასაკოვანი მამაკაცი ბავშვს სასტიკად ექცეოდა, სცემდა, სექსუალური კავშირის დამყარებას აიძულებდა და მოკვლით ემუქრებოდა. ახლა მამაკაცს კანონის წინაშე მოუწევს პაუხისგება. ბავშვთან კი ფსიქოლოგები მუშაობენ.