იტალიაში იზოლაციის წესები იცვლება?!

იტალიაში იზოლაციაში მყოფ პირთა რაოდენობა შესაძლოა შემცირდეს. იზოლაციის შეცვლის პირობებზე უკვე აქტიურად დაიწყეს საუბარი სამედიცინო წრეებში. შესაძლებელია იზოლაციაში ყოფნა მხოლოდ Covid 19-ით ინფიცირებულ პაციენტებს მოუწიოთ და არა მათ ოჯახის წევრებს თუ კონტაქტებს.

ამის შესახებ გენუას სან მარტინოს სახელობის კლინიკის ინფექციონისტმა მატეო ბასეტმა განაცხადა. მისი თქმით, იტალია პარალიზებულია იზოლაციაში მყოფი ოჯახების რაოდენობით - ,,იზოლაცია უნდა ეხებოდეს მხოლოდ კოვიდდადებით პაციენტებს. მნიშვნელოვანი არ უნდა იყოს და იზოლაციაში არ უნდა გადადიოდნენ მათი კონტაქტები და ოჯახის წევრები, თუ უსიმპტომოები არიან. არ შეიძლება იგივე რეგულაციები მოქმედებდეს წელს, რაც გვქონდა ერთი წლის წინ. მაშინ როდესაც 1 ადამიანიც კი არ გვყავდა აცრილი. ჩემი მოსაზრებით, იზოლაციაში მხოლოდ კოვიდდადებითი პაციენტები უნდა იმყოფებოდნენ."

მისი განმარტებით, კოვიდდადებითი პაციენტების კონტაქტების სახლში გამოკეტვას არანაირი აზრი აქვს, თუ ისინი თავს კარგად გრძნობენ და არ აღენიშნებათ სიმპტომები. იგივე პათოსის განცხადებას აკეთებს ლიგურიის პრეზიდენტი, ჯოვანი ტოტი -,,რამდენიმე კვირაში სრულად პარალიზებული იქნება ქვეყანა, რადგან კოვიდდადებით პაციენტების ზრდასთან ერთად მათი კონტაქტების რაოდენობაც გაიზრდება. რაც შეეხება სადღესასწაულოდ შემოღებულ წესებს, უსაფრთხოების მიზნით ვაქცინირებული ადამიანებიც კი იტალიაში კოვიდზე ტესტს იკეთებენ, რამაც რიგები წარმოშვა არაერთ სამედიცინო პუნქტზე."

ინფექციონისტი მატეო ბასეტი ამ საკითხსაც ეხმაურება და ამბობს, რომ ისტერია და უზარმაზარი რიგები კოვიდ ტესტებზე სადღესასწაულოდ ვაქცინირებული ადამიანებისგან არ არის გამართლებული. კოვიდზე ტესტს იმ შემთხვევაში უნდა იკეთებდნენ თუ სიმპტომები გამოუვლინდათ. უნდა გვახსოვდეს რომ სიზუსტე ტესტირების პასუხებშიც შესაძლებელია არ იყოს, რადგან ცდომილება იქაც ხდება."

ჯოვანი მაგა, პავიას გენეტიკურ მოლეკულური ინსტიტუტის დირექტორი აცხადებს, რომ დიდი რისკია კოვიდ 19-ის ახალი შემთხვევების მატების, რაც სიტუაციას გააუარესებს ზოგადად ქვეყნის ეკონომიკაში - "დღევანდელი მოქმედი რეგულაციების თანახმად, კოვიდდადებით პაციენტისთვის თუ ის აცრილია, იზოლაცია 7 დღეს მოიცავს, 10-დღიანი იზოლაციაა არავაქცინირებული პაციენტებისთვის."

დაველოდოთ, შეიტანს თუ არა იტალიის ჯანდაცვის სამინისტრო ახალი წლიდან კონკრეტულ ცვლილებებს იზოლაციის წესებთან დაკავშირებით.

ნონა გედენიძე სპეციალურად ExclusiveTV.ge-სთვის ემილია-რომანიადან