იტალიაში კოვიდ19-ის 100 000-მდე ახალი შემთხვევა გამოვლინდა

იტალიაში, ბოლო 24 საათის განმავლობაში, კოვიდ19-ით დაინფიცირების რეკორდული მაჩვენებელი, 98 020 შემთხვევა გამოვლინდა, ხოლო წინა დღეს - 78 313.

გარდაიცვალა 136 ადამიანი (გუშინ - 202).

ბოლო დღე-ღამის განმავლობაში გაკეთდა 1 029 429 ტესტი. საავადმყოფოში მკურნალობას 10 578 ინფიცირებული გადის, ხოლო რეანიმაციაში - 1 185.

რაც შეეხება რეგიონებს:

ვენეტოს რეგიონში პანდემიის დაწყებიდან დღემდე, 24 საათის განმავლობაში გამოვლენილი რიცხვის რეკორდული მაჩვენებელი, 8 666 დაფიქსირდა.

ასევე რთულია მდგომარეობაა კამპანიის რეგიონში 9 802 ახალი დაინფიცირებულით.

ლაციო - 5248. აქ განსაკუთრებით ყურადსაღებია ის ფაქტი, რომ საავადმყოფოებში კოვიდპაციენტებისთვის გამოყოფილი ადგილები სულ უფრო ცოტა რჩება და კრიტიკულ 10 პროცენტს მკვეთრად გადააჭარბა და 15 პროცენტამდე ავიდა.

ლომბარდიამ ყველა "რეკორდი მოხსნა", 32 696 ახალი შემთხვევით. დაინფიცირების ინდექსი 15 პროცენტამდე გაიზარდა, მაშინ როდესაც კრიტიკული 10 პროცენტია.

პიემონტეც "რეკორდსმენი" რეგიონების სიაშია, 9 671 ახალი დაინფიცირებულით.

"უახლოესი კვირების განმავლობაში, რიცხვების ზრდას უნდა ველოდოთ და ეს "ომიკორნის" გავრცელების სისწრაფიდან გამომდინარე, ბუნებრივია. ამ ეტაპზე სიტუაცია კონტროლის ქვეშაა, რეგულაციები მოვლენების განვითარების მიხედვით შეიცვლება. ამ ეტაპზე საუბარია აცრილებისთვის კარანტინში ყოფნის პერიოდის შემცირებაზე,"- განაცხადა ჯანდაცვის სამინისტროს სახელმწიფო მდივანმა პიერპაოლო სილერიმ. 

ნინა მამუკაძე

იტალია, ფლორენცია