იტალიაში მყოფი ემიგრანტების საყურადღებოდ: უფასო კონსულტაციები ბექა თავართქილაძისგან

იტალიაში არსებული ქართული სათვისტომო „კოლხეთი“-ს ინიციატივით, ადვოკატი ბექა თავართქილაძე ემიგრანტებისთვის უფასო კონსულტაციებს გამართავს. - ამის შესახებ ინფორმაციას, „კოლხეთის“ დამფუძნებელი ბეგლარ თავართქილაძე საკუთარ „ფეისბუკ“ გვერდზე ავრცელებს. 

„მეგობრებო, კვირას, 10 ოქტომბერს, იტალიაში ქართველთა სათვისტომო "კოლხეთი"-ს ინიციატივით ადვოკატი ბექა თავართქილაძე უფასო კონსულტაციებს გამართავს ანკონის ოფისში.“ - წერს თავართქილაძე

პანდემიის რეგულაციებიდან გამომდინარე აუცილებელია წინასწარი ჩაწერა. - წერია განცხადებაში. 

დაწვრილებითი ინფორმაციისა და მისამართის მისაღებად დარეკეთ: 329 9738089
გისურვებთ წარმატებებს!

რომის ადვოკატთა ფორუმის წევრი, ქართველი ადვოკატი ბექა თავართქილაძე 30 წელია, იტალიაში ცხოვრობს და მოღვაწეობს. მან რომში დაამთავრა სკოლა, უნივერსიტეტი და დაიცვა სადოქტორო დისერტაცია. იგი არის რომის ადვოკატთა ფორუმის უცხოეთთან ურთიერთობის კომისიის წევრიც. მისი იურიდიული საქმიანობის ძირითადი სფერო საერთაშორისო და საარბიტრაჟო სამართალია, თუმცა საიმიგრაციო სამართლის კუთხითაც საქმიანობს – ქართველი ემიგრანტების ინტერესებსა და უფლებებს იცავს არა მარტო რომში, არამედ მთელ იტალიაში