გიორგი მამარდაშვილი ესპანეთის ჩემპიონატის თვის საუკეთესო ფეხბურთელის ტიტულისთვის იბრძვის

„ვალენსიას“ ქართველი მეკარე გიორგი მამარდაშვილი სეზონის გადამწყვეტ ეტაპზე ძალიან მაგარ ფორმაშია და გუნდს მნიშვნელოვანი ქულების მოპოვებაში ეხმარება. მამარდაშვილი აპრილში, ლა ლიგის ერთ-ერთი გამორჩეული მოთამაშეა.

„გიორგი მამარდაშვილი აპრილში, ლა ლიგის ერთ-ერთი გამორჩეული მოთამაშეა. ქართველმა გადამწყვეტი როლი შეასრულა კარლოს კორბერანის ვალენსიას წარმატებულ გამოსვლაში. გუნდს 6-მატჩიანი წაუგებელი სერია აქვს, გოლკიპერმა კი, რომელიც წლის დასაწყისში არადამაჯერებლად გამოიყურებოდა, გუნდის სხვა მოთამაშეების მსგავსად, აღიდგინა ფორმა და თავის საუკეთესო მხრიდან წარმოჩენაც მოახერხა. ასეთმა თამაშმა მამარდაშვილს ლა ლიგისგან ორმაგი აღიარება მოუტანა.

მამარდაშვილს ბოლო სამი მატჩი ძალიან მაგარი გამოუვიდა - მალიორკასთან, რეალსა და სევილიასთან, რომლებიც ვალენსიის გამარჯვებით დასრულდა ქართველმა ამ შეხვედრებში მხოლოდ ერთი გოლი გაუშვა და 15 სეივი მიითვალა, SofaScore-ისგან კი, შესაბამისად, 7,0, 8,5 და 8,1 ბალები დაიმსახურა. სწორედ ამის გამო, ლა ლიგამ აპრილში მამარდაშვილის ნომინირება “თვის მოთამაშისა” და “თვის საუკეთესო სეივის” ჯილდოებზე გადაწყვიტა.

„თვის მოთამაშის“ ჯილდოსთვის მამარდაშვილის კონკურენტები არიან: პედრი (ბარსელონა), ხავი პუადო (ესპანიოლი), სერხი დარდერი (მალიორკა) და ხულიან ალვარესი (ატლეტიკო).

რაც შეეხება „თვის საუკეთესო სეივის“ ჯილდოს, ამ კატეგორიაში ვალენსიას ქართველი მეკარის რეალთან „ბერნაბეუზე“ მოგებულ მატჩში შესრულებული მოგერიება მოხვდა. საჯარიმოს გარედან კილიან მბაპეს დარტყმის შემდეგ, მამარდაშვილმა კარი ეფექტური ნახტომით გადაარჩინა. ამ ჯილდოსთვის ბრძოლაში გიორგის მეტოქეობა ნიულანდსა (სევილია) და დომინიკ გრეიფთან (მალიორკა) მოუწევს“, - წერს Superdeporte.