იტალიელი ტელევარსკვლავი, რომელიც ახლა “ბადანტედ” მუშაობს

იყო დრო, როდესაც ილარია გალასის ტელევიზიის გარეთ, ავტოგრაფებისთვის ფანები ელოდნენ. 27 წლის წინ ის გადაცემის Non è la Rai საშუალებით, წარმოუდგენლად პოპულარული გახდა. ახლა 46 წლისაა. 

პანდემიის გამო, საკმაოდ სახელგანთქმული სილამაზის სალონის დაკეტვაც მოუხდა.

რამდენიმე თვის წინ ცნობილი იტალიური ტელეშოუს Isola dei famosi-ს კასტინგშიც მიიღო მონაწილეობა, თუმცა, საბოლოოდ არ აიყვანეს.

ახლა ილარია 90 წლის მოხუცის მომვლელად მუშაობს, რომელთანაც როგორც თავად ამბობს, საოცრად ჰარმონიული ურთიერთობა ჩამოუყალიბდა.

"სალონის ერთ-ერთმა კლიენტი თქვა, რომ დედამისისთვის 9:00-დან 13:00 საათამდე მომვლელს ეძებდა. ეს საჩემო სამსახური არ არის, მაგრამ იქიდან გამომდინარე, რომ სხვა ვერაფერი ვიშოვე, არაფრის კეთებით კი ვიწყენ და საკუთარ ბებიასთან მაქვს მსგავსი გამოცდილება მიღებული, ვუთხარი, რომ უსასყიდლოდ ვივლიდი დედამისთან. დღემდე არ ვიღებ ამ სამსახურში ხელფასს. მხოლოდ, საკუთარი ინიციატივით, პერიოდულად საჩუქარს მიკეთებენ," - აცხადებს ყოფილი ვარსკვლავი. 

შეკითხვაზე, თუ კონკრეტულად რა მომსახურებას უწევს მოხუც ქალბატონს, გალასი პასუხობს, რომ მოხუცს აძლევს წამლებს, ბანს ფეხებს, რადგან ჭრილობები აქვს და ხშირად უღიზიანდება და სამედიცინო წესით უმუშავებს, შემდეგ ბანს, ასაუზმებს, ვარცხნილობას უკეთებს, ასევე პერიოდულად სახეზე ეპილაციასაც და შემდეგ ძალიან ბევრს საუბრობენ. 

ყოფილი ვარსკვლავის თქმით, ამ ასაკოვანი ქალისგან ბევრი რამ ისწავლა და გადააფასა ცხოვრებაში.