იტალიის ორი რეგიონი, 29 ნოემბრიდან ყვითელ ზონაში გადადის

ორშაბათიდან 29 ნოემბრიდან იტალიის ზოგიერთი რეგიონი ყვითელ ზონას დაუბრუნდება. დაუყოვნებლივ ამოქმედდება „სუპერ მწვანე საშვი“ (ბუსტერის მქონე პირების  საშვი) და აკრძალვები ანტივაქსერების მიმართ. 

იტალიაში კოვიდ19-ით ინფიცირებულთა მატება გრძელდება და ორშაბათიდან 29 ნოემბრიდან რეგიონების ფერების პირველი ცვლილებები განხორციელდება. Friuli Venezia Giulia გადის ყვითელ ზონაში და ანტივაქსერებისთვის აკრძალვებს მყისიერად ააქტიურებს. გადაწყვეტილება გუბერნატორმა, მასიმილიანო ფედრიგამ მიიღო და მთავრობას უკვე შეუთანხმდა.

„სუპერ მწვანე საშვი“ შესახებ დადგენილება - რომელიც მთელ იტალიაში 6 დეკემბრიდან ამოქმედდება - ძალაში ფრიული ვენეცია-ჯულიაში ორშაბათიდან შევა. „დაბნეულობის თავიდან ასაცილებლად და უპირველეს ყოვლისა,  ეპიდემიოლოგიური მრუდის აღმართის შესაჩერებლად“, განმარტავენ რეგიონის წყაროები.

მაგრამ Friuli Venezia Giulia-ს გარდა, არის კიდევ ერთი რეგიონი, რომელიც სავარაუდოდ გაყვითლდება. 

როგორც „Corriere della Sera“ იუწყება, ყვითელ ზონაში ბოლცანოს ავტონომიური პროვინციაც გადადის. ბრძანებას ხელს ხვალ ჯანდაცვის მინისტრი რობერტო სპერანსა მოაწერს.

„სუპერ მწვანე საშვი“ Friuli Venezia Giulia-ში ძალაში უკვე ორშაბათიდან 29 ნოემბრიდან შევა. „სუპერ მწვანე საშვის“ მქონე (შესაბამისად გამოჯანმრთელებულ ან ვაქცინირებულ) პირებს, შესაძლებლობა ექნებათ დახურულ რესტორანში წასვლის, შოუებზე დასწრების, კინოში, თეატრში სიარულის, სტადიონსა და სპორტულ დარბაზებში სიარულის, წვეულებებსა და სახალხო ცერემონიებში მონაწილეობის მიღების, ასევე დისკოთეკაზე დასწრების.

მათ, ვისაც აქვს ძირითადი „მწვანე საშვი“ (მოლეკულური ტესტის პასუხი  72 საათის განმავლობაში და ანტიგენური ტესტის 48 საათის განმავლობაში) შეუძლიათ სამსახურში წასვლა, სპორტდარბაზში, ადგილობრივი საზოგადოებრივი ტრანსპორტით, რეგიონალური და საქალაქთაშორისო მატარებლებით, მაღალსიჩქარიანი და თვითმფრინავებით სარგებლობა.

შესაბამისად, ყვითელ ზონაში, აცრილებსა და გამოჯანმრთელებულებს ექნებათ მხოლოდ ღია ცის ქვეშ ნიღბის ტარების ვალდებულება. მეორეს მხრივ, არაიმუნური მოქალაქეები სამსახურში და საზოგადოებრივ ტრანსპორტში მხოლოდ ტესტის ნეგატიური პასუხით შეძლებენ. ბარში, რესტორანში, თეატრში, საცურაო აუზზე, სპორტულ დარბაზებში და სხვა გასართობ ადგილებზე, წვდომა მხოლოდ ვაქცინირებულ ან გამოჯანმრთელებულ პირებს შეეძლება.

ყვითელ ზონაში გადაადგილება დამოწმებული იქნა ჯანდაცვის უმაღლესი ინსტიტუტის ოფიციალური მონიტორინგით, რომელსაც ხვალ (პარასკევი 2021 წლის 26 ნოემბერი) ჯანდაცვის სამინისტრო განახორციელებს. 

აგრეთვე დაგაინტერესებთ:

📌 დედა, შვილის ცხედარს, პენსიის მისაღებად მალავდა

📌 მილანში ნიღბის ტარება ღია სივრცეშიც სავალდებულო იქნება?!

📌 რა იცვლება 6 დეკემბრიდან - იტალია ახალი რეგულაციების მოლოდინში