დედა, შვილის ცხედარს, პენსიის მისაღებად მალავდა

შემთხვევა იტალიაში, ქალაქ ტრევიზოში მოხდა. 74 წლის ჯოვანა დი ტარანტო ყოველ დილით ბარში ჩადიოდა და შვილისთვის ორ კრემიან კრუასანს ყიდულობდა, ისე, როგორც ამას წლების განმავლობაში აკეთებდა. რეალურად კი, კვალს ფარავდა. მისი ვაჟი, 50 წლის ვიტორიო კიეზი რამდენიმე თვის გარდაცვლილი იყო, მაგრამ ქალმა ფაქტი დამალა, რათა შვილის ინვალიდობის პენსიის აღება გაეგრძელებინა.

ვიტორიო მშობიარობის ტრავმის გამო, დაბადებიდან შეზღუდული შესაძლებლობის მქონე იყო. გარდა ფსიქიკური პრობლემებისა, კარდიოლოგიური რამდენიმე თანდაყოლილ პათოლოგია ჰქონდა. გამოძიებამ დაადგინა, რომ იგი გულის შეტევით, ბუნებრივად გარდაიცვალა და მის სიკვდილში სხვა ადამიანის ხელი არ ურევია.

დედის წინააღმდეგ საქმე, ცხედრის უდიერად მოპყრობისა და თანხის მითვისების ბრალდებით აღიძრა, რადგან ქალი, შვილის კუთვნილ პენსიას, მისი გარდაცვალების შემდეგ, თვეების განმავლობაში იღებდა. 
ამ ყველაფრის შესახებ, პოლიციას გარდაცვლილის დამ აცნობა, რომელიც მილანში ცხოვრობს და დედა, ძმის გარდაცვალების ამბავს, მასაც უმალავდა.

საერთო ჯამში, ქალმა სახელმწიფოსგან, 9000 ევრომდე მიითვისა. დადგება თუ არა მისი პასუხისმგებლობის საკითხი, ჯერჯერობით უცნობია. დაცვის მხარე ქალის ფსიქიკურ არამდგრადობით აპელირებს და თუ ეს დამტკიცდა, მაშინ როგორც შემამსუბუქებელი გარემოება, ისე იქნება გამოყენებული.