ხანმოკლე შხაპი და თბილი მაისურები სახლში - იტალია მოსახლეობას ზამთარში ბუნებრივი აირის მაქსიმალურად დაზოგვისკენ მოუწოდებს

ხანმოკლე შხაპი და თბილი მაისურები სახლში - იტალია მოსახლეობას ზამთარში ბუნებრივი აირის მაქსიმალურად დაზოგვისკენ მოუწოდებს. 

ბოლო თვეების განმავლობაში, მსოფლიოში განვითარებულმა მოვლენებმა და რუსეთ-უკრაინის ომის გამო გამოწვეულმა პრობლემებმა, მათ შორის ენერგეტიკულმა კრიზისმა, მთელი რიგი ქვეყნები, მნიშვნელოვანი ცვლილებების გატარების ფაქტის წინაშე დააყენა.

იტალიის ენერგეტიკის მინისტრმა რობერტო ჩინგოლანიმ ბუნებრივი აირის დაზოგვის ეროვნული გეგმა წარადგინა. შემუშავებული გეგმის მიხედვით, მოსახლეობას ბუნებრივი აირი, იგულისხმება ცენტრალური გათბობა, დაგეგმილზე ერთი კვირის დაგვიანებით მიეწოდება და გაზაფხულზე, ერთი კვირით ადრე გამოირთვება. 

ცვლილებაა გამათბობლების ტემპერატურის მხრივაც. თუ ადრე დადგენილი ტემპერატურა 20 გრადუსი იყო, ამჯერად 19 გრადუსი იქნება და გათბობა მოსახლეობას დღის განმავლობაში ერთი საათით ნაკლებად მოეწოდება. 

აღნიშნული ცვლილებებით იტალია 8 200 000 კუბური მეტრი ბუნებრივი აირის დაზოგვას გეგმავს. 

მინისტრმა ასევე სთხოვა მოსახლეობას დენის წყაროდან გამორთონ ელექტრომოწყობილობები (სარეცხის მანქანა, ჭურჭლის სარეცხი მანქანა, ტელევიზორი და სხვა), როდესაც არ მოიხმარენ. ასევე საჭმლის მომზადების დროს, წყლის ადუღების შემდეგ, დაუწიონ გაზს და ა.შ. 

🔵 ასევე დაგაინტერესებთ:

როდის იწყება იტალიაში სასწავლო წელი, რეგიონების მიხედვით

იტალიამ ბონუსის ახალი პაკეტი გამოსცა

ტურისტს ერთი ნაყინის ჭამა რომში, 450 ევრო დაუჯდა