ლუიჯი დი მაიო, მატეო სალვინის, პუტინის ინტერესების გატარებაში ადანაშაულებს

ლუიჯი დი მაიო ულტრამემარჯვენე მატეო სალვინის, იტალიაში პუტინის ინტერესების გატარებაში ადანაშაულებს.

"სალვინი პუტინის მკლავებში მოგვაქცევს. აშკარაა რუსეთის ჩარევის მცდელობები", - განაცხადა საგარეო საქმეთა მინისტრმა ლუიჯი დი მაიომ La Repubblica-სთან ინტერვიუში, 25 სექტემბრის არჩევნების თემაზე საუბრისას. „არ ვიცი, არის თუ არა ის კეთილსინდისიერი თავის მოქმედებებში, მაგრამ ვიცი, რომ როდესაც ის რუსეთზე სანქციების მოხსნას გვთავაზობს, ამით გვაშორებს საერთაშორისო თანამეგობრობას. სალვინის პარტია "ლეგა ნორდს" აქვს შეთანხმება რუსეთთან და თუ ეს პარტია მთავრობაში მოვა, პირდაპირ პუტინის მკლავებში აღმოვჩნდებით. იტალიისთვის ძალიან დიდი საფრთხეა ისტორიული ალიანსებისგან გათიშვა. ეს ნიშნავს იზოლაციას და თავისუფლების დაკარგვას, არა მხოლოდ ეკონომიკურ დონეზე“.

სალვინი დი მაიოს ტვიტერის საშუალებით პასუხობს: "მე მხოლოდ იტალიელებს ვპასუხობ და ეროვნულ ინტერესებს ვიცავ. 25 სექტემბერს იტალიის მოქალაქეები დამოუკიდებლად და დემოკრატიულად მისცემენ ხმას არჩევნებში. მე მხოლოდ მათ ვპასუხობ და მხოლოდ ეროვნულ ინტერესებს ვიცავ, მაგრამ შენ ვფიქრობ, გეშინია იტალიელების განაჩენის?!  გაუმარჯოს თავისუფლებას!“ - აცხადებს მატეო სალვინი