მილანში მცხოვრები ქართველებისთვის მნიშვნელოვანი ინფორმაცია

მილანში მცხოვრები ემიგრანტების საყურადღებოდ, მეტროს მწვანე ხაზის (M2) -ის განახლდება იწყება.

შესაბამისად, რამდენიმე თვის განმავლობაში,  კონკრეტული ხაზით გადაადგილება საკმაოდ დიდ დისკომფორტთან იქნება დაკავშირებული.

სარემონტო სამუშაოები დაგეგმილია და ATM- მა უკვე გამოაქვეყნა სპეციალური კალენდარი, სადაც მგზავრებისათვის მოძრაობის სპეციალური გრაფიკია აღწერილი.

30 აპრილის 22:00 საათიდან ვილა ფიორიტა-ჯესატეს შორის მოძრავი მატარებლები ავტობუსებით ჩანაცვლდება.

2 მაისიდან 30 ივლისამდე, საღამოს 22:00 საათის შემდეგ, მატარებლები ავტობუსებით კაშინა გობა-ჯესატეს ხაზზე ჩანაცვლდება.

2 მაისიდან 1 ივნისამდე, ორშაბათიდან პარასკევის ჩათვლით, 22:30 საათის შემდეგ მატარებლები, ლორეტოზე, პიოლასა და ლამბრატეზე ერთი და იგივე ბაქანზე გაჩერდება.

6 ივნისიდან 30 ივლისის ჩათვლით, 22:00 საათის შემდეგ, მილანი-კოლონოს მიმართულებით გასამგზაბრებლად, მატარებლის შეცვლა ყოველთვის კაშინა გობადან იქნება შესაძლებელი.

31 ივლისიდან 4 სექტემბრის ჩათვლით, სამუშაოების დაწყებიდან დასრულებამდე მთელი პერიოდის განმავლობაში, კაშინა გობა -კოლონია ნორდის შორის მოძრავი მატარებლები ავტობუსებით შეიცვლება.

5 სექტემბრიდან დეკემბრის ბოლომდე კი, საღამოს 22:00 საათის შემდეგ  იგივე ცვლილება კაშინა გობა - ჯესატეს მარშრუტზე განხორციელდება. 
 
ავტობუსების კონკრეტული განრიგის ნახვა ATM milano- გვერდზეა შესაძლებელი.

ანუკა ღონღაძე სპეციალურად ExclusiveTV-თვის მილანიდან