ქალაქ ბარიში არსებულმა იტალიური ენის შემსწავლელმა ცენტრმა „ვიქტორია“ დაარსების თარიღი აღნიშნა

ქალაქ ბარიში არსებული კულტურული ასოციაცია „ვიქტორია“-ს დაარსებიდან ერთი წელი გავიდა. საგანმანათლებლო ცენტრი, იტალიში მცხოვრებ ქართველ ემიგრანტებს იტალიური ენის შესწავლაში ეხმარება. 

ცენტრი, სერტიფიცირებულმა თარჯიმანმა, ინგლისური და იტალიური ენების პედაგოგმა ვიქტორია ცუხიშვილმა გასულ წელს დააარსა. ვიქტორია ასევე გახლავთ ოთხი წიგნის, „იტალიური ენის გრამატიკა ქართულად“, „დიალოგები იტალიურ-ქართულად“, „იტალიურ-ქართული ენის ლექსიკა“ და „იტალიურ-ქართული მინი ლექსიკონი“-ს ავტორი. 

დაარსების თარიღის აღსანიშნავი საღამო, სპეციალური მოწვევით მყოფმა სტუმარმა, ისტორიკოსმა ფრანჩესკო ტრეჩმა გახსნა. ფრანჩესკო ტრეჩმა დამსწრე აუდიტორიას მისი ახალი წიგნი „Sakartvelo“ წარუდგინა. 

ღონისძიებას ესწრებოდა გენერალური კონსული, ვახტანგ ანდღულაძე, ასევე საემიგრაციო სფეროს წარმომადგენლები, ფიქრია კუჭუხიძე და ლელა ბალახაშვილი. 

სპეციალური მოწვევით იმყოფებოდა იტალიელი ადვოკატი ფრანჩესკო ლისი და იტალიური ენის ლექტორი მარიაროსარია მოსკო.

ღონისძიების დასასრულს იტალიელმა და ქართველმა სტუმრებმა, ქართული სამზარეულო და ღვინო დააგემოვნეს. 

სასწავლო ცენტრის მისამართია ქალაქი ბარი, Via Giuseppe Davanzati Forges 25.

აგრეთვე დაგაინტერესებთ:

📌 სასიხარულო ინფორმაცია ემიგრანტებისთვის!!!! ქალაქ ბარიში სასწავლო ცენტრი გაიხსნა

📌 გაიცანით, 4 შვილის დედა და იტალიური ენის მასწავლებელი იტალიაში, ვიქტორია ცუხიშვილი

📌 სასიხარულო ინფორმაცია იტალიური ენის შესწავლის მსურველთათვის - იტალიის ქალაქ ბარიში სასწავლო ცენტრი "ვიქტორია" გაიხსნა - "ნინას ესპრესო" ბარიში ჩავიდა