ქართული საზოგადოების როლის აღიარების მიზნით, იტალიელებმა ქართველ ემიგრანტებს შეხვედრა მოუწყვეს
გუშინ, 10 ივნისს, იტალიის ქალაქ კასტელანა გროტეს მერმა, ფრანჩესკო დე რუვომ და მუნიციპალიტეტის ადმინისტრაციამ, საქართველოს დიპლომატიური დელეგაციის წარმომადგენელს, გენერალურ კონსულს, ვახტანგ ანდღულაძეს უმასპინძლეს.
შეხვედრის შესახებ ინფორმაციას, ქალაქ კასტელანა გროტეს მერიის სამსახური და სააგენტო www.vivicastellanagrotte ავრცელებს.
შეხვედრის მიზანი, იტალიურ-ქართულ მხარეებს შორის, მკაფიო თანამეგობრობის და მხარდაჭერის დადასტურება გახლდათ.
ქვეყნებს შორის, ორმხრივი და პარტნიორული ურთიერთობების არსებობის დადასტურების ნიშნად, ქალაქ კასტელანა გროტეს მუნიციპალიტეტის, ტურიზმის დეპარტამენტის ხელმძღვანელის, ილლა საბატელის ინიციატივით, ქალაქში მცხოვრები საქართველოს მოქალაქეები, სამხრეთ იტალიაში არსებულ ერთ-ერთ მნიშვნელოვან და ტურისტებისთვის მიმზიდველ ადგილას, კასტელანას, კარსტული მღვიმის მოსანახულებლად მიიწვიეს.
მოგვიანებით, დიპლომატიურ დელეგაციას ვატიკანის სამოციქულო ეკლესიის მღვდელი, ჯუზეპე ლატერზა შეუერთდა.
დიპლომატიურ დელეგაციას, რომელსაც თან ახლდა ქალაქ კასტელანა გროტეში მცხოვრები საქართველოს მოქალაქეები, მიწის ზედაპირიდან 70 მეტრის სიღრმეზე, გიდთან ერთად დაეშვა, რათა მოენახულებინათ საუკუნოვანი კარსტული მღვიმეები, რომელიც ნებისმიერ მნახველს მონუსხავს.
„ჩვენ ძალიან გვინდოდა განგვეხორციელებინა ეს ინიციატივა; მე ვთვლი, რომ ეს წარმოადგენს კასტელანაში მცხოვრები, ქართული საზოგადოების როლის აღიარებას და ამავე დროს, ხიდს ტურისტული მარშრუტის შესაძლო განვითარებისათვის.“ - აღნიშნა კასტელანა გროტეს ტურიზმის სამსახურის უფროსმა ილლა საბატელიმ.
კონსულმა, ვახტანგ ანდღულაძემ მასპინძლებს საქართველოს მღვიმეების შესახებ მოუთხრო, რამაც დიდი ინტერესი გამოიწვია და აქვე გაჟღერდა უახლოესს მომავალში გამოქვაბულებისა და კარსტული მღვიმეების დაკავშირებისა და ასევე ქალაქების დაძმობილების საკითხების შემდგომი განხილვის სურვილიც.
„ჩვენი მხრიდან, ეს გახლავთ თავაზიანი ვიზიტი, რომელიც ადასტურებს ქართულ საზოგადოებასთან არსებულ შესანიშნავ ურთიერთობას და საქართველოს მოქალაქეების სრულყოფილ ინტეგრაციას, ჩვენი ქვეყნის ეკონომიკურ და სოციალურ სტრუქტურაში. - განაცხადა ქალაქის მერმა.
საქართველოს კონსულმა, ვახტანგ ანდღულაძემ თავის გამოსვლაში ხაზი გაუსვა ქართველების მჭიდრო კავშირს იტალიასთან და უშუალოდ ქალაქ კასტელანა გროტესთან: "თქვენს ქალაქში არსებობს ქართული საზოგადოება, რომელმაც კასტელანაში, მეორე სახლი იპოვა და მადლობას ვუხდი იტალიელ, აპულიელ და განსაკუთრებით, კასტელანელ ხალხს.“ - განაცხადა გენერალურმა კონსულმა.
აღსანიშნავია, ის ფაქტი, რომ ქალაქ კასტელანა გროტეს, საქართველოს მუნიციპალიტეტთან დაძმობილების საკითხი, მას შემდეგ დადგა დღის წესრიგში, როცა საქართველოში, ერზამუს + პროექტის ფარგლებში, ჟურნალისტი დანიელა ლოვეჩი იმყოფებოდა. ლოვეჩისა და ოზურგეთის მუნიციპალიტეტის კულტურის სამსახურის ხელმძღვანელის, მარინა ჯაფარიძის ხელმოწერით, გაფორმდა ურთიერთ-თანამშრომლობის სიმბოლური მემორანდუმი.
1713164760
ახალი ამბები"არა რუსულ კანონს! მონებო!" - "უცხოური გავლენების გამჭვირვალობის შესახებ" კანონის განხილვა პარლამენტმა აქციის ფონზე დაიწყო
საქართველოს პარლამენტის უკანა შესასვლელთან აქცია დაიწყო. პარალელურად, "ქართული ოცნება" ხელახლა ინიცირებული კანონის განხილვას იურიდიულ საკითხთა კომიტეტზე იწყებს. აქციაზე შეკრებილები არიან ონლაინ მედიე...
1713159996
ჰოროსკოპირა გელოდება დღეს - 15 აპრილის ასტროლოგიური პროგნოზი ზოდიაქოს ყველა ნიშნისთვის
ვერძი თუ გსურთ თანამოსაუბრის კეთილგანწყობა მოიპოვოთ, მასზე ზეწოლას ნუ მოახდენთ და პირდაპირ არ მოითხოვოთ ის, რისი მიღებაც გსურთ. თქვენმა იმპულსურობამ და გადაჭარბებულმა აქტიურობამ შეიძლება ოპონენტები შე...
1713094502
ახალი ამბებითავდასხმას სიდნეიში ქართველი ქალი, ფიქრია დარჩია ემსხვერპლა
სიდნეის სავაჭრო ცენტრში მომხდარი თავდასხმის დროს ქართველი ფიქრია დარჩია დაიღუპა. სავაჭრო ცენტრში დანით შეიარაღებული პირი 13 აპრილს შეიჭრა. თავდასხმის შედეგად 6 ადამიანი დაღუპა. ავსტრალიის ქალაქ სიდნე...
1713092693
საზოგადოება18 წლის სამტრედიელი მარიამ კვინიკაძე ესპანეთში, “IE university”-ში მიიწვიეს სასწავლებლად
18 წლის სამტრედიელი მარიამ კვინიკაძე ესპანეთში, “IE university”-ში მიიწვიეს სასწავლებლად. გოგონა იურიდიულ ფაკულტეტზე ისწავლის. სწავლა სექტემბერში იწყება, მანამდე კი მარიამი ონლაინ შეძლებს გაეცნოს თავ...
1713092108
ახალი ამბები3 დაღუპული და რამდენიმე დაშავებული – ბაღდათიდან თბილისის მიმართულებით მოძრავი მიკროავტობუსი ავარიაში მოჰყვა
ბაღდათიდან თბილისის მიმართულებით მოძრავი მიკროავტობუსი ავარიაში მოჰყვა. როგორც “ინფო იმერეთს” თვითმხილველებმა განუცხადეს, ავტოსაგზაო შემთხვევის შედეგად 3 ადამიანი დაიღუპა და რამდენიმე დაშავდა. დაშავებ...