„აღარ მოგიწევთ გასაღებების ჩანთით ან ხელით ტარება!“ - საქართველოში კანქვეშა ჩიპები ხელმისაწვდომი გახდება

2022 წლიდან საქართველოში შვედური BioHax International-ის კანქვეშა ჩიპები ხელმისაწვდომი გახდება. 

ჩიპი მარცხენა ან მარჯვენა ხელის ცერა თითის კანქვეშ მაგრდება.

„BioHax International - ის ჩიპები მაგრდება მარჯვენა ან მარცხენა ხელის ცერა თითთან კანქვეშ.

მისი საშუალებით თქვენ აღარ მოგიწევთ ჯიბეებში მანქანის გასაღების მოძებნა.

სახლის ან პარკინგის კარის გასაღების ძებნა.“

კომპანია აიპლუსი აცხადებს, რომ თავად დაგიმონტაჟებთ სპეციალურ დაცულ მოწყობილობებს, ბინაში, პარკინგში, სამსახურში, მანქანის საკეტზე, რომ უბრალოდ ხელის ახლოს მიტანით და მასში ჩაშენებული უნიკალური კოდის საშუალებით შეძლოთ ყველა კარის გაღება. აღარ მოგიწევთ გასაღებების ჩანთით ან ხელით ტარება!

კომპანიაში ასევე აღნიშნავენ, რომ შვედეთში აღნიშნულ ტექნოლოგიას ამ ეტაპზე იყენებს უკვე 30 000 ზე მეტი ადამიანი.

„ჩიპი დაპროგრამებულია RFID მარტივი სისტემით (თუმცა აქვს უდიდესი შესაძლებლობები სახელმწიფო და საბანკო სერვისების გამოყენების, როგორიცაა პასპორტის ჩაშენება, საკრედიტო ბარათების, საბანკო ანგარიშების, პირადი ინფორმაციის და ასე შემდეგ) თუმცა, ჩვენ როგორც კომპანია უფლებამოსილი ვართ შემოგთავაზოთ საშუალების მხოლოდ ის სპექტრი, რომელიც ჩვენი პროდუქციის რეალიზაციის და თქვენი კომფორტის ინტერესს წარმოადგენს“, - წერია აიპლუსის ფეისბუკგვერდზე.

ასევე საინტერესოა:

🔵 ე.წ. ტყუპი პანდემიის მოსალოდნელი ტალღა - ბიძინა კულუმბეგოვი მოსახლეობას აფრთხილებს

🔵 "რა გახდა დედოფლისწყაროში ერთი "კატეს" აპარატი, რომ პაციენტებს 70 კილომეტრის გავლა არ მოუწიოთ? პრემიერის რაიონია, ჩვენთვის ეს უნდა გაჭირვებულიყო?!" - ჟურნალისტის მიმართვა ირაკლი ღარიბაშვილს