ღამე მშვიდობისა, მგლების ქვეყანავ! - უფალს ებარებოდე, დედამიწის ციცინათელავ! წმინდა გიორგის ებარებოდე! ანგელოზთა ცხრა დასს ებარებოდე!

ღამე მშვიდობისა, მგლების ქვეყანავ! სპარსელები, იგივე პერსიელები, საქართველოს მოსახლეობას ეძახდნენ ,,მგლებს". პერსიულ ენაზე მგელი ნიშნავს ,,გურჯს"!..

,,გურჯისტან" პერსიულად ნიშნავს მგლების ქვეყანას! არაბულად - დაუმორჩილებელს, ჯიუტების ქვეყანას! ძველი რუსულიდან ,,გრუზზ-ინ" - ნიშნავს ჯვაროსანს ანუ ჯვარისმტვირთველს! ლათინურად ,,Georgia" - წმინდა გიორგის სახელია!
(სიტყვა ,,Georgia"- ს სხვა ახსნაც აქვს და, ისიც ,,მგლების ქვეყანას" უკავშირდება!..)

აბა, ღამე მშვიდობისა, ჩემო მგლებოოო!  შემოგევლოთ საქართველოს უძლიერესი ,,მგელთავა" მეფე, ვახტანგ! გორგასალი!.. (მუზარადის მეორე მხარეს ლომი ჰქონდა გამოსახული და თავზარს სცემდა მტერს! ).

მხრებში გაიშალეთ, თავი მაღლა ასწიეთ,გამხნევდით და გაძლიერდით, ქართველებო! ღამე მშვიდობისა მამაცი მეომრების, რაინდების, მზეთუნახავი ქალიშვილების, კოსმოსური სიმღერების, თავბრუდამხვევი ცეკვების, უძველესი ეკლესია-მონასტრების, ციხე-კოშკების, ანკარა წყაროების, მსოფლიოს პირველი ანბანის, ათასგვარი ვაზის, ხორბლის, სურნელოვანი თაფლის, სამკურნალო ბალახეულის, საუცხოო პოეზიის, ღვინის, ნოყიერი მიწის, ცადატყორცნილი მწვერვალების, ძაფის, მეტალურგიის, ოქროს მომპოვებლების, მინერალური წყლების, მრავალფეროვანი სამზარეულოს, სიბრძნის - ოქროს საწმისის, ქრისტეს კვართის, ღვთისმშობლის პერანგის, წმინდანების, ,,ვეფხისტყაოსნის", სახელოვანი მეფეებისა და დედოფლების, განსაცვიფრებელი ისტორიის, სახელგანთქმული მხედართმთავრების, ძველთუძველესი მწერლობის, საიდუმლო სულიერი მეცნიერების და დედა
ღვთისმშობლის მადლით ცხებულო, საოცარო, საფიცარო, სახიერო, ულამაზესო ქვეყანავ!

უფალს ებარებოდე, დედამიწის ციცინათელავ! წმინდა გიორგის ებარებოდე! წმინდა ნინოს ოქროსფერ ნაწნავებს ებარებოდე! ანგელოზთა ცხრა დასს ებარებოდე!

საქართველოს მტრების დამარცხებას და მათზე ჯავრის ამოყრას გისურვებთ, მგლებო!

ავტორი: ეკატერინე კობახიძე