დიდთოვლობა საქართველოში - საავტომობილო გზებზე შეზღუდვებია

ინტენსიური თოვის გამო ქვეყნის მასშტაბით რამდენიმე მონაკვეთზე გადაადგილება შეზღუდულია. ინფორმაციას შეზღუდვების შესახებ საავტომობილო გზების დეპარტამენტი ავრცელებს.

შეზღუდვები ეხება თბილისი–სენაკი–ლესელიძის ​და ქუთაისი-ბაღდათი-აბასთუმანი-ბენარას გზების მონაკვეთებს.

"ინტენსიური თოვის გამო, საერთაშორისო მნიშვნელობის თბილისი–სენაკი–ლესელიძის საავტომობილო გზის კმ39–კმ259 (ქსანი-სამტრედია) მონაკვეთზე, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო კმ39-კმ193 მონაკვეთზე, (ქსანი-ზესტაფონი) დანარჩენი სახის ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა თავისუფალია.

დიდთოვლობის გამო, შიდასახელმწიფოებრივი მნიშვნელობის ქუთაისი-ბაღდათი-აბასთუმანი-ბენარას საავტომობილო გზის კმ1-კმ50 მონაკვეთზე (ქუთაისი-საირმე) აკრძალულია მისაბმელიანი, ნახევრადმისაბმელიანი და 30 ადგილზე მეტი ტევადობის ავტობუსების მოძრაობა, ხოლო კმ28-კმ50 მონაკვეთზე, (ბაღდათი-საირმე) დანარჩენი სახის ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა თავისუფალია," - აღნიშნულია გავრცელებულ ინფორმაციაში.

ასევე დაგაინტერე­­­­სებთ:

🔵„დავინახეო, დაიწყო კითხვა და შეეცვალა ხმა და გაჩერდა. ვერ გეტყვი მესირცხვილებაო“ - ემიგრანტი საფრანგეთში

🔵ემიგრანტის წერილი: "საქართველოში მოულოდნელად ჩასულს, ოჯახმა მითხრა, ჯერ ჩვენთვის უნდა გეკითხა, იყო თუ არა შენი ჩამოსვლის დროო"

🔵იტალიაში ქართველი ემიგრანტი ინფარქტით გარდაიცვალა