ძალიან შეშფოთებული ვართ სააკაშვილის მდგომარეობით - აშშ-ს ელჩი

საქართველოში აშშ-ის ელჩის, კელი დეგნანის განცხადებით, რთული გასაგებია, ადამიანის სიცოცხლის დასაცავად საჭირო ზომები რატომ არ არის მიღებული სამედიცინო სფეროს წარმომადგენლების რეკომენდაციების შესაბამისად.

დიპლომატი ამბობს, რომ  აშშ მიხეილ სააკაშვილის მდგომარეობით ძალიან შეშფოთებულია.

„ძალიან შეშფოთებული ვართ სააკაშვილის მდგომარეობით. როდესაც ადამიანის სიცოცხლე რისკის წინაშეა, აღარ არის საჭირო საუბარი იმაზე, რომ მიღებული უნდა იყოს შეძლებისდაგვარად ყველა ზომა, რათა უზრუნველყოფილი იყოს საჭირო მკურნალობა.

უდიდესი ნდობას ვუცხადებთ სახალხო დამცველს, მის გუნდს და სამედიცინო ჯგუფს, რომელიც მუშაობს მისი ეგიდით. მათი შეფასებაა, რომ სააკაშვილის მდგომარეობა არის კრიტიკული და მას სჭირდება სრული მკურნალობა, რომ ის, რაც მოხდა, აღარ განმეორდეს და მისი ჯანმრთელობის მდგომარეობა გაუმჯობესდეს, თუ არ არის შესაბამის დაწესებულებაში.

ამ საკითხს დიდ ყურადღებას აქცევს არა მხოლოდ საელჩო, არამედ ვაშინგტონიც და საქართველოს სხვა მეგობრებიც, როგორიცაა ელჩი იან კელი, რომელიც აკვირდება სიტუაციას შეშფოთებით. რთულია იმის გაგება, რომ ის ზომები, რომლის მიღება საჭიროა ადამიანის სიცოცხლის დასაცავად, რატომ არ არის მიღებული სამედიცინო სფეროს წარმომადგენლების რეკომენდაციების შესაბამისად“, – განაცხადა კელი დეგნანმა.

ამავე თემაზე:
🔵ის, რაც ვიხილეთ ბოლო 24 საათში, არის ასევე ევროკავშირისთვის შეშფოთების მიზეზი - კარლ ჰარცელი

🔵სააკაშვილს კაცობა რომ ჰქონდეს, შიმშილობას მხოლოდ ელენე ხოშტარიას გამო შეწყვეტდა-ირაკლი კობახიძე