ექიმის ოჯახშია გაზრდილი, ხუთი შვილის მამაა, წარმატებული იქნება - ღარიბაშვილი მინისტრ აზარაშვილზე

უაღრესად წესიერი, განათლებული, ექიმის ოჯახშია გაზრდილი. მას კარგად აქვს გაცნობიერებული ის გამოწვევები, რომელიც ჩვენი ქვეყნის, მოსახლეობის წინაშე არის. მე მინდა ზურას ვუსურვო წარმატება. იგი არის ხუთი შვილის მამა და მე ვფიქრობ, რომ ძალიან წარმატებული მინისტრი იქნება, - ასე წარუდგინა საზოგადოებას საქართველოს პრემიერ - მინისტრმა ირაკლი ღარიბაშვილმა ახალი ჯანდაცვის მინისტრი.

დარწმუნებული ვარ, რომ თქვენი და მთავრობის გუნდის მხარდაჭერით ჩვენ შევძლებთ მოკლევადიან პერიოდში ხელშესახებ და მნიშვნელოვან წარმატების მიღწევას, - ამის შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის ახალმა მინისტრმა, ზურაბ აზარაშვილმა, მთავრობის ადმინისტრაციაში განაცხადა.

ზურაბ აზარაშვილმა პრემიერ-მინისტრ ირაკლი ღარიბაშვილს გამოცხადებული ნდობისთვის მადლობა გადაუხადა.

„დიდი მადლობა ბატონო პრემიერო იმ უდიდესი ნდობისთვის, რაც ჩემს მიმართ გამოიჩინეთ. ჩემთვის ძალიან დიდი პასუხისმგებლობაა უდიდესი გამოწვევებით სავსე სამინისტროს მართვა, მაგრამ დარწმუნებული ვარ, რომ თქვენი და მთავრობის გუნდის მხარდაჭერით ჩვენ შევძლებთ მოკლევადიან პერიოდში ხელშესახებ და მნიშვნელოვან წარმატების მიღწევას“, - განაცხადა ზურაბ აზარაშვილმა.

ასევე საინტერესოა:

🔵 რა გამოცდილება  აქვს ჯანდაცვის ახალ მინისტრს ზურაბ აზარაშვილს (ვიდეო)

🔵"რატომღაც ჩაითვალა, რომ რამდენიმე დღის ბავშვით ხელში, ვერ შევძლებდი სამსახურის ინტერესის დაცვას" - ლონდა თოლორაია (ვიდეო)

🔵 გაფიცვა ბათუმის პორტში - საკონტეინერო ტერმინალის 60 თანამშრომელი შრომის პირობების გაუმჯობესებას ითხოვს