კორონავირუსით ორსული ქალი დაიღუპა

„ყველაზე ბედნიერი ოჯახი ჰყავდა, მეორე ბავშვის მოლოდინში რას წარმოიდგენდნენ რომ კორონა ყველაზე ბედნიერ ოჯახს ყველაზე უბედურად აქცევდა“, - ჟურნალისტი ბელა ზაქაიძე ტრაგიკულ ინფორმაციას ავრცელებს.

ჟურნალისტი წერს, რომ კორონავირუსს მისი მეგობარი, ორსული ქალი ემსხვერპლა.

„ბავშვი გადარჩა , მაგრამ კორონას ვერ მოერია დედა, რომელმაც ახალშობილი შვილი ვერ ნახა.
ჩემი საოცარი გოგო. როგორი დამანგრეველი და დაუჯერებელია“, - წერს ჟურნალისტი სოციალურ ქსელში.

ბაკო სა­ლა­ყა­ია კორონავირუსის საწინააღმდეგო ვაქცინით აცრილი არ იყო.

მას ვირუსი 2 თვის წინ დაუდასტურდა, როცა ექვსი თვის ორ­სუ­ლი იყო. 

ახალგაზრდა ქალს საკეისრო კვეთა, ჯანმრთელობის მდგომარეობის გაუარესების გამო გაუკეთეს. თუმცა, სამწუხაროდ იმდენად დამძიმდა, რომ ექიმებმა მისი გადარჩენა ვეღარ შეძლეს.

საქართველოში პანდემიის დაწყებიდან დღემდე, COVID19-ით 7 338 ორ­სუ­ლი დაინფიცირდა. 

დაავადებათა ეროვნული ცენტის  ინფორმაციით, კორონავირუსს ქვეყანაში 16 ორ­სუ­ლის სიცოცხლე შეეწირა.

რამდენიმე დღის წინ, ალერგოლოგ - იმუნოლოგმა ბიძინა კულუმბეგოვმა ორსულებს მიმართა და  კოვიდსაწინააღმდეგო ვაქცინის გაკეთებისკენ მოუწოდა.

„გასკდა გული, ორსულებო აიცერით, გთხოვთ“! - დაწერა ბიძინა კულუმბეგოვმა, კორონავირუსით გარდაცვლილი ბათუმელი ორსული ქალის შესახებ.

ცნობისთვის, 32 კვირის ორსული, 25 წლის მეგი სურმანიძე COVID 19-ით 2 დეკემბერს გარდაიცვალა.

მსგავსი თემები:

🔵 "გასკდა გული, ორსულებო აიცერით, გთხოვთ!" - ბიძინა კულუმბეგოვი ორსული ქალის გარდაცვალებაზე

🔵 ორჯერადად აცრილებში კოვიდით გარდაცვალება არ გვაქვს - გამყრელიძე ვაქცინებზე