მიხეილ სააკაშვილს აქვს მძიმე დეპრესია და პოსტტრავმული აშლილობა - ნევროლოგი

„რადგან სააკაშვილს პოსტტრავმული, სტრესული აშლილობა აქვს, რაც პენიტენციურ დაწესებულებაში, ყველაზე მეტად გლდანში მიიღო, იქ გადაყვანას მხარს არ ვუჭერთ“, - განაცხადა სახალხო დამცველის ოფისში გამართულ ბრიფინგზე, სახალხო დამცველის ექსპერტთა ჯგუფის წევრმა თენგიზ წულაძემ.

მისი თქმით, პაციენტის მდგომარეობა რჩება საყურადღებო.

„რჩება გარკვეული პათოლოგია, წონასწორობის დარღვევა, სისუსტე, გამოხატულია ანემია, მძიმე დეპრესია და პოსტტრავმული აშლილობა, რეაბილიტაციას ხელს უშლის დეპრესია და პოსტტრავმული სტრესული აშლილობაც“, - აღნიშნა წულაძემ.

მისი თქმით, იმისათვის, რომ შიმშილობის შემდგომი რეაბილიტაციის პროცესი სრულად ჩატარდეს, მნიშვნელოვანია ფსიქოთერაპია.

„პაციენტის მდგომარეობა საყურადღებო რჩება. ნევროლოგიური სიმპომატიკიდან რჩება გარკვეული პათოლოგია, წონასწორობის დარღვევა, ზოგადი სისუსტე, ასევე გამოხატულია ანემია, მძიმე დეპრესია და პოსტტრავმული აშლილობა.

პაციენტის მკურნალობა მიმდინარეობს და სტაბილურია, თუმცა, გვაქვს მოსაზრებები, რომელიც დეტალურად გავწერეთ დანართში. 25 ნოემბერს, როდესაც ვიყავით მასთან, მაშინაც გავეცით ფსიქოთერაპიის რეკომენდაციები, მაგრამ არ შესრულდა ან ვერ შესრულდა რაღაც მიზეზების გამო და ახლაც ვაკეთებთ ამაზე აქცენტს. ფიზიკური რეაბილიტაციაც მნიშვნელოვანია. ნევროლოგიური დაავადებები ხშირად არ მთავრდება ერთ დღეში და ერთ კვირაში, ამიტომ ხანგრძლივად საჭიროებს რეაბილიტაციას. რეაბილიტაციას ხელს უშლის დეპრესია, პოსტტრავმული-სტრესული აშლილობაც და ამ მხრივ, ფსიქოთერაპია დაგვეხმარება, რომ რეაბილიტაცია სრული მოცულობით ჩატარდეს“, - განაცხადა ნევროლოგმა.

დღის სხვა ამბები:

🔵 „პფაიზერი“: „პაქსლოვიდი“ ჰოსპიტალიზაციისა და გარდაცვალების შემთხვევებს 89 პროცენტით ამცირებს

🔵 რამდენი ლარი ეღირება 15 დეკემბერს ერთი ამერიკული დოლარი, ევრო, ბრიტანული გირვანქა და ლირა?