ომიკრონის პირველი სავარაუდო შემთხვევა საქართველოში - ლუგარში საეჭვო ნიმუშებს იკვლევენ

ომიკრონის პირველი სავარაუდო შემთხვევა საქართველოში - ირკვევა, რომ ლუგარი რამდენიმე საეჭვო ნიმუშს იკვლევს.

ინფორმაციას ტელეკომპანია "რუსთავი 2"- ი ავრცელებს.

არის თუ არა ეს კორონავირუსის ახალი,  შტამი ჯერჯერობით უცნობია. საბოლოო პასუხს რამდენიმე დღე დასჭირდება.

დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორის ამირან გამყრელიძის თქმით, გამოვლენილია 10-ზე მეტი საეჭვო შემთხვევა და ამ დროისთვის მიმდინარეობს სიღრმისეული კვლევა.

ის არ გამორიცხავს, რომ საქართველოში "ომიკრონი" უკვე ცირკულირებდეს.

"საქართველოში ჯერ არ გვაქვს დაფიქსირებული, მაგრამ საეჭვო დაახლოებით 10-ზე მეტი შემთხვევა არის კვლევაში.

მხედველობაში მაქვს, რომ საეჭვო იყო იმ ჩვენი პროტოკოლით, რაც შევიმუშავეთ და ეს საეჭვო შემთხვევები სხვადასხვა ლაბორატორიიდან მოდის. იქ არის ინდიკატორები, როდის უნდა გამოგზავნონ ძირითადად, S გენზე უარყოფითი შემთხვევები.

იმ ნაკრებებიდან, რომელიც ამ სამივე გენს აღმოაჩენს ხოლმე და ეს S გენზე როცა უარყოფითია, ის საეჭვოა და შემდეგ ხდება მათი ჩვენთან სეკვენირება.

სეკვენირებას 4-5 დღე სჭირდება ხოლმე, სწრაფად არ არის ხოლმე პასუხი და ასევე, ჩვენ გვაქვს სხვა არაპირდაპირი pcr მეთოდები, რომლითაც გამორიცხვის მეთოდით, კიდევ მეტი ეჭვი შეიძლება მიიტანო.

დღეს შემიძლია ვთქვა, რომ ნამდვილად, ამ საათისთვის, ჩვენ ლაბორატორიულად არ გვაქვს დადასტურებული ომიკრონის შემთხვევა, თუმცა ეს არ გამორიცხავს იმას, რომ იყოს და ცირკულირებდეს ქვეყანაში", - ამბობს ამირან გამყრელიძე.

სხვა სიახლეები:

🔲 გიორგი სუხიტაშვილი: მწერენ, თუ რატომ არ ვარ პაპასთან, რატომ გავდივარ ქვეყნიდან, რატომ ვსუნთქავ... - პაპაჩემი მაჯის საათი არაა, სულ ჩემთან იყოს

🔲 "დილის 5 საათზე უმრავლესობას რომ სძინავს, თბილისის ქუჩებს, სიცივეში ასუფთავებს..." - ფოტოგრაფი გოგა ჩანადირი საზოგადოებას, ერთ-ერთი მეეზოვის ისტორიას უზიარებს