„პრეზიდენტმა, წინ წამოსწია თავის როლი, როგორც ქვეყნის გამაერთიანებელმა და აშშ მხარს უჭერს მსგავს ინიციატივებს“

ამერიკის შეერთებული შტატები სიამოვნებით დაუჭერს მხარს ნებისმიერ ინიციატივას, რომელიც ხელს შეუწყობს პოლარიზაციის შემცირებას და მოაგვარებს ქვეყანაში არსებულ ღრმა დაყოფას, - ამის შესახებ საქართველოში აშშ-ის ელჩმა კელი დეგნანმა განაცხადა.

როგორც ელჩმა აღნიშნა, პრეზიდენტმა, წინ წამოსწია თავის როლი, როგორც ქვეყნის გამაერთიანებელმა და აშშ მხარს უჭერს მსგავს ინიციატივებს.

„ვფიქრობ, პრეზიდენტმა ზურაბიშვილმა ძალიან კარგად აღწერა სიტუაცია საქართველოში, პრეზიდენტ ბაიდენის მიერ ორგანიზებულ დემოკრატიის სამიტზე სიტყვით გამოსვლისას.

მან მოუწოდა ინკლუზიური მართვისკენ, პოლარიზაციის შემცირებისკენ და ასევე დიალოგისკენ, რომელიც დაიწყებს გაჯანსაღების პროცესს. ამერიკის შეერთებული შტატები სიამოვნებით დაუჭერს მხარს ნებისმიერ ინიციატივას, რომელიც ხელს შეუწყობს პოლარიზაციის შემცირებას და ქვეყანაში არსებული ღრმა დაყოფის მოგვარებას.

ვფიქრობ, ძალიან მნიშვნელოვანი შესაძლებლობაა, რომ პრეზიდენტმა, წინ წამოსწია თავის როლი, როგორც ქვეყნის გამაერთიანებელმა და ჩვენ მხარს ვუჭერთ ასეთ ინიციატივებს.

ამასთან, მიგვაჩნია, რომ მნიშვნელოვანია, რომ საქართველოს არჩეულმა ლიდერებმა პარლამენტში იმუშაონ იმისთვის, რომ შეამცირონ პოლარიზაცია და ხელი შეუწყონ ნამდვილად ინკლუზიურ მმართველობას“, - აღნიშნა ელჩმა.

„წამოვიწყებ ინკლუზიურ პროცესს, საუბარს ეროვნული მასშტაბით, რომელშიც ჩაბმული იქნება მთელი საზოგადოება, რათა მივაღწიოთ უახლესი ისტორიის საერთო აღქმას, დავძლიოთ ტკივილი და წინ წავიდეთ." - განაცხადა საქართველოს პრეზიდენტმა, დემოკრატიის ვირტუალურ სამიტზე, რომელიც ამერიკის შეერთებული შტატების პრეზიდენტის, ჯო ბაიდენის ინიციატივით  10 დეკემბერს გაიმართა. 

ამავე თემაზე:

🔵 „მარგველაშვილს ვინმე რამეს ეკითხება? - ტრაგიკომიკურია მისი განცხადება“ - ირაკლი კობახიძე

🔵 "საჭიროა ყველანი მივუსხდეთ მრგვალ მაგიდას, გთავაზობთ, რომ პირველი ასეთი შეხვედრა გაიმართოს გორის სამხედრო ჰოსპიტალში" - მიხეილ სააკაშვილი სალომე ზურაბიშვილს ეხმაურება