ქართულ ოცნებას” გეგმა აქვს – მან უნდა შეინარჩუნოს ხელისუფლება ნებისმიერ ფასად - ზვიად ძიძიგური

ყველა სპორტის სახეობას თავისი წესები აქვს და მსაჯები ჰყავს, პოლიტიკურ ცხოვრებაშიც ასეა არსებობენ მოთამაშეები და მათ თამაშის წესები უნდა დაიცვან, – ამის შესახებ პარლამენტის ყოფილმა წევრმა ზვიად ძიძიგურმა “ტვ პირველის” ეთერში განაცხადა.

“ქართულ ოცნებას” გეგმა აქვს – მან უნდა შეინარჩუნოს ხელისუფლება ნებისმიერ ფასად. სხვა ინტერესი არ აქვს –  არც ის ევროპარლამენტარებს აწყენინებს, თუ ევროკავშირის წევრ სახელმწიფოებთან გაიფუჭებს ურთიერთობას. მისთვის ამას მნიშვნელობა არ აქვს. დღესაც რასაც ვხედავთ ჩვენ, რიდესაც ევროპარლამენტარების ნებისმიერ კრიტიკულ მოსაზრებაზე ასეთი თავდასხმები მიდის ხელისუფლების მხრიდან… როდესაც წინა ხელისუფლებას იჭერს მოქმედი ხელისუფლება, რა თქმა უნდა ასეთ ფაქტებს გამადიდებელი შუშით აკვირდებიან.

გვარამიას პატიმრობასთან დაკავშირებით მოსამართლეს ჰქონდა დისკრეციის საშუალება, რომ ან ჯარიმა მიეცა, ან შინაპატიმრობა, ან ციხეში ჩაესვა და როდესაც ის იღებს გადაწყვეტილებას, რომ პირდაპირ ციხეში ჩასვას, ეს ეჭვებს აჩენს. იმასაც თუ გავითვალისწინებთ, როგორი ნდობა აქვს სასამართლოს, ამაზე რატომ არ უნდა შეშფოთდნენ ევროპარლამენტარები, რომელთაც მხარი უნდა დაგვიჭირონ იმაში, რომ ჩვენ უნდა გავხდეთ ევროპული ოჯახის წევრი.

თუ იმ ოჯახის წევრობა გინდა, მაშინ იქაური თამაშის წესი, საქმიანობის წესი უნდა გადმოიღო და არა ის, როგორც შენ გინდება. ყველა სპორტის სახეობას თავისი წესები აქვს და მსაჯები ჰყავს, პოლიტიკურ ცხოვრებაშიც ასეა არსებობენ მოთამაშეები და მათ თამაშის წესები უნდა დაიცვან. “ქართული ოცნება” ერთადერთ თამაშის წესს იცავს, როგორმე შეინარჩუნოს ის სკამი, რომელზეც ერთი ადგილი უდევს,” – განაცხადა ზვიად ძიძიგურმა.

ასევე წაიკითხე:

🔵ხელჩართული ჩხუბი ბათუმში - რუსეთის მოქალაქეებმა უკრაინული დროშა ჩამოხიეს და სათარჯიმნო ბიუროს თანამშრომელი სცემეს

🔵საბერძნეთის საავადმყოფოები მაიმუნის ჩუტყვავილასთან გასამკლავებლად მზდყოფნაში არიან

🔵ვხედავ, რომ სააკაშვილი დასუსტებულია და სჭირდება დახმარება, უნდა გადაუვადონ თუ არა სასჯელი, ეს ექსპერტიზამ უნდა თქვას საზოგადოება - მეუფე ნიკოლოზი