რომელი ქვეყნიდან შემოვიდა საქართველოში ყველაზე მეტი ფული ნოემბრის თვეში?

2021 წლის ნოემბერში ქვეყანაში შემოსული ფულადი გზავნილების ნაკადების მოცულობამ 207.3 მილიონი აშშ დოლარი (650.5 მლნ ლარი) შეადგინა, რაც 22%-ით (37.4 მილიონი აშშ დოლარით) მეტია 2020 წლის ნოემბრის ანალოგიურ მაჩვენებელზე, - ინფორმაციას საქართველოს ეროვნული ბანკი ავრცელებს.

ნოემბერში ყველაზე მეტი 34.4 მილიონი აშშ დოლარის ფულადი გზავნილები რუსეთიდან შემოვიდა, რაც გასული წლის ანალოგიური პერიოდის მაჩვენებელს 8%-ით აღემატება.

გასულ თვეში ყველაზე მეტი ფულადი გზავნილები საქართველოში შემდეგი ქვეყნებიდან შემოვიდა:

რუსეთი - 34.4 მილიონი აშშ დოლარი.

იტალია - 32.1 მილიონი აშშ დოლარი.

აშშ - 24 მილიონი აშშ დოლარი.

საბერძნეთი - 19 მილიონი აშშ დოლარი.

ისრაელი - 17 მილიონი აშშ დოლარი.

გერმანია - 10.9 მილიონი აშშ დოლარი.

ყაზახეთი - 9.3 მილიონი აშშ დოლარი.

თურქეთი - 8.3 მილიონი აშშ დოლარი.

უკრაინა - 7.5 მილიონი აშშ დოლარი.

აზერბაიჯანი - 7.2 მილიონი აშშ დოლარი.

მიმდინარე წლის ნოემბერში საქართველოდან საზღვარგარეთ 31.8 მილიონი აშშ დოლარი (99.7 მლნ ლარი) გადაიგზავნა, რაც 2020 წლის ნოემბრის (21.9 მილიონი აშშ დოლარი) ანალოგიურ მაჩვენებელთან შედარებით 45.3%-ით მეტია.

2021 წლის ოქტომბერში 13.7%-ით მეტი ფული გადმოირიცხა - ყველაზე მეტი გზავნილი ქვეყანაში, იტალია, საბერძნეთი და გერმანიიდან შემოვიდა.

საზღვარგარეთ დასაქმებულების მიერ საქართველოში გამოგზავნილი თანხებით საქართველო მსოფლიოში მე-17 ადგილზეა-ინფორმაციას  ამის შესახებ ფორბსი ავრცელებს

დღის სხვა ამბები:

🔵 მძღოლი შეუძლოდ გახდა, საჭე ვერ დაიმორჩილა და აფთიაქში შევარდა - იგი საავადმყოფოშია გადაყვანილი (ფოტო)

🔵 ნუ ელოდებით “მაგიურ” წამალს, ან, „უკვდავების ელექსირს“ - გიორგი ფხაკაძე