საპატრიარქო საშობაო ალილოსთან დაკავშირებით განცხადებას ავრცელებს

საქართველოს საპატრიარქო საშობაო ალილოსთან დაკავშირებით სპეციალურ განცხადებას ავრცელებს.

"მაცხოვრის შობა ქრისტიანულ სამყაროში მნიშვნელოვანი დღესასწაულია.

სრულიად საქართველოს კათოლიკოს-პატრიარქის ლოცვა-კურთხევით, ქრისტეშობის დღესასწაულთან დაკავშირებით, წლებია, ყოველ 7 იანვარს თბილისსა და მთელ საქართველოში მოსახლეობა, სასულიერო და საერო პირები აგროვებენ შემოწირულობას, რომელიც დახარისხების შემდეგ ბავშვთა სახლებში, მოხუცთა თავშესაფრებსა და სასჯელაღსრულების დაწესებულებებში რიგდება.

წელს, 2022 წლის 7 იანვარს, ქრისტეშობის სადღესასწაულო ღვთისმსახურების შემდეგ, ტრადიციულად, შემოწირული საჩუქრები, ტანსაცმელი, სათამაშოები და ნუგბარი კვლავ შეგროვდება და მოთხოვნის შესაბამისად განაწილდება.

მსურველებს შემოწირულობის და სხვადასხვა საჩუქრის მოტანა შეეძლებათ 2022 წლის 7 იანვარს, 12:00 საათიდან 16:00 საათამდე რესპუბლიკის მოედანზე, სადაც მათ დახვდებათ იმ ადამიანთა ჯგუფი, რომლებიც ჩაიბარებენ და დასარიგებლად დაახარისხებენ საჩუქრებს.

შემოწირულების მიტანა ასევე შესაძლებელი იქნება ყოვლაწმინდა სამების ლავრაში არსებულ ახალგაზრდულ ცენტრში", - აღნიშნულია საპატრიარქოს მიერ გავრცელებულ განცხადებაში.

შეგახსენებთ, რომ 7 იანვარს მართლმადიდებლური სამყარო მაცხოვრის შობას აღნიშნავს.

სხვა სიახლეები:

🔳 პარტია "საქართველოსთვის" შესაბამის უწყებებს მოუწოდებს, პარტიის სამეგრელოს ორგანიზაციის ხელმძღვანელ მალხაზ თორიაზე თავდასხმის ფაქტი დროულად გამოიძიონ

🔳 "შენ ხომ სვანეთის ერთ-ერთი საუკეთესო ოჯახის საუკეთესო შვილი ხარ, გული მისკდება ეს რა უსამართლობა" - ბიზნესმენი ირაკლი ჭკადუა საწოლში გარდაცვლილი იპოვეს

🔳 ერთი დაღუპული და ოთხი დაშავებული - ტრაილერი და მსუბუქი ავტომანქანა ერთმანეთს შეეჯახა

🔳 "ომიკრონით ინფიცირების ადრეული სიმპტომებია ..." - რა ინფორმაციას ავრცელებს გიორგი ფხაკაძე

🔳 "გეები იღვიძებენ დილით და იმაზე ფიქრობენ, როგორ დაუპირისპირდნენ საქართველოს ეკლესიას, უმძიმესი მდგომარეობაა" - რას წერს ჟურნალისტი ვახო სანაია