"2 დღის წინ გულდაწყვეტილმა ემიგრანტმა მოგვწერა... პრეტენზიით არა, არ ვარგა და აღარ გაყიდოდთო" - ისტორია სოციალური ქსელიდან

ფეისბუკგვერდი "ჩანთები" ოფიციალურ გვერდზე პოსტს აქვეყნებს, სადაც აღნიშნულია, რომ კონკრეტული მოდელის ჩანთების ხარისხმა მომხმარებლების უკმაყოფილება გამოიწვია. 

აღნიშნული ონლაინმაღაზიის მეპატრონე მომხმარებლებს ჩანთების უკან დაბრუნებას და სხვა მოდელით შეცვლას დაჰპირდა, რადგან როგორც თავად აღნიშნავს, დაბალი ხარისხის გამო კონკრეტული მოდელის ჩანთები გაყიდვიდან ამოიღეს.

აღნიშნულ პოსტს საზოგადოების მხრიდან უამრავი პოზიტიური გამოხმაურება მოჰყვა, როგორც პოსტის ქვეშ წერენ, მსგავსი ქმედება მისაბაძია მარკეტინგის სფეროში.

"ამოღებულია გაყიდვიდან 

ამ ჩანთაში გადახდილი მქონდა საკმაოდ ძვირი 

ვიზუალი, ყუთი, დაბრენდვა, პასპორტები, ყველა დეტალზე ბრენდია ნიშანია მაგრამ... პირველმა მომხმარებელმა რომ მოწერა ამის შესახებ.... დაბრუნებაზე კი დავთანხმდი, მაგრამ ხუმრობით სულ "ნადირ" ვეძახე ერთი დღეში როგორ ამოწყვიტე ყურითქო... (შეხუმრებულები ვართ)

მეორემაც, რომ მოგვწერა უკვე დავეჭვდი რომ "ნადირი" კი არ ყოფილა ის პირველი გოგო... ჩანთა ყოფილა უხარისხო...

მერე მესამემ მოწერა უკვე დავრწმუნდი რომ ველურულად კი არ ექცევიან ჩანთა არის უხარისხო
და უცბად მოვხსენით გაყიდვიდან...

მაგრამ რამდენიმე უკვე გაგზავნილი გვქონდა დაუკავშირდით ყველას ვინც გვახსოვდა.... და გამოვითხოვეთ უკან ეს მოდელი...

მაგრამ 2 დღის წინ გულდაწყვეტილმა ემიგრანტმა მოგვწერა....პრეტენზიით არა, არ ვარგა აღარ გაყიდოდთო...
ამ გოგონასაც უკვე გაუგზავნეთ სხვა ჩანთა.... სანაცვლოდ დიდი ბოდიშების მოხდით...
ხომ და ვინმეს თუ აქვს კიდე დარჩენილო ეს კონკრეტული მომწერეთ არ მოგერიდოთ Chveni Chantebi

აქ მომწერეთ ოპერატორები ვერ გადაწყვიტავენ მსგავს საკითხებს და მაინც ჩემთან უნდა გადმოგამისამართონ...

და ზოგადად ყველა გაურკვეველ საკითხებზე მომწერეთ მე...", - აღნიშნულია ფეისბუკპოსტში.