არანაირი კონსტრუქცია არ მოიხსნება, არ მოიხსნება - კალაძე პარლამენტის შენობის წინ ჯვრის აღებაზე

თბილისის მერი აცხადებს, რომ პარლამენტის შენობის წინ დამონტაჟებულ ჯვრის კონსტრუქციას არ აიღებენ. გავრცელებული  ინფორმაცია ამასთან დაკავშირებით, კახა კალაძემ უარყო.

“არანაირი კონსტრუქცია არ მოიხსნება, არ მოიხსნება. რა თქმა უნდა გამართლებულად მიმაჩნია, გამართლებულად მიმაჩნია და ველოდებით ჩვენ პროექტს საპატრიარქოსთან, რომ გარკვეული პროექტი იქნეს განხორციელებული, 9 აპრილს დაღუპულთა უკვდავსაყოფად და ზოგადად ბევრი მძიმე დღე ახსოვს ამ სივრცეს და შესაბამისად გაკეთდება პროექტი”,- ამბობს კალაძე.

სამოქალაქო აქტივისტმა ნატა ფერაძემ სოციალურ ქსელში პოსტი გამოაქვეყნა სადაც წერდა, რომ პარასკევს, 3 დეკემბერს მერია ჯვრის კონსტრუქციის მოხსნას აპირებდა. თუმცა, ამის შემდეგ, კიდევ ერთი პოსტი გამოაქვეყნა. მისი თქმით, არ ფიქრობდა “ბაბლი” ასე დაიჯერებდა.

“რა თქმა უნდა, მერია არ აპირებს აღებას, ამას რომ ვწერდი, არ ველოდი, რომ ბაბლი ასე დაიჯერებდა, რომ კალაძე სეკულარულ ღირებულებებზე ზრუნავს და ამას გაბედავდა.

ბოდიში, ვინც დაიტროლეთ, მაგრამ კიდე ერთხელ გამოჩნდა, სად მივექანებით. კონსტრუქცია დამონტაჟებულია ყველა კანონის უგულებელყოფით და არანაირი უფლება არ აქვს, იდგეს იქ. აგრესიული მრევლის მუქარით დაშინებული კანონმდებელი დუმს”, — წერს ნატა ფერაძე.

ასევე წაიკითხეთ:

🔵მგზნებარებით ეტაკა ოპოზიცია საკრებულოთა პირველ სხდომებს, როგორც ნაშიმშილები კაცი ნანატრ ხაშლამას - შალვა ნათელაშვილი

🔵ჩვენ გვყავს ნიჩბოსნები, რომელთაც არ აქვთ ნავი და ნიჩაბი, ველოსპორტსმენები, რომელთა ველოსიპედსაც ძვრება ბორბალი, ცხენოსანთა ფედერაცია, რომელთაც არ ჰყავთ ცხენები - თეა წულუკიანი

🔵გაძვირებული ცხოვრება - საქსტატი ახალ მონაცემებს აქვეყნებს