ბოდიში და თვითროზგები არასაკმარისია, უნდა აღიაროს დანაშაული - ბექა მინდიაშვილი

შეიძლება სააკაშვილი პოლიტიკურად მოგწონდეს, ან არ მოგწონდეს, შეიძლება ხმა მისცე, ან არ მისცე, მაგრამ მას რა პასუხისმგებლობაც შეეძლო აეღო საკუთარ თავზე, იყო გადადგომა 2007 წელს, და არჩევნებით ხელისუფლების დათმობა 2012 წელს, – ვისთვისაც ეს საკმარისი არ არის, საკმარისი არ იქნება არც ბოდიში, არც წამება, არც დახვრეტა – ამის შესახებ თეოლოგი ბექა მინდიაშვილი “ფეისბუკის” პირად გვერდზე წერს.

“სააკაშვილის მთავრობის მგონი ყველა წევრმა მოიხადა ბოდიში, – სააკაშვილმაც არაერთხელ მოიხადა ბოდიში და გუშინაც კიდევ ერთხელ დიდი და დასაბუთებული ბოდიში მოიხადა.

იმ ადამიანებს, ვისაც ასეთი ბოდიშების გამო გული ოდნავ მაინც უჩუყდებათ ნაციონალებზე, არ შევხვედრივარ საერთოდ, არც ისინი შემხვედრია, ვისთვისაც ეს ბოდიშები რაიმედ ფასობს – არც ოპოზიციის მომხრეებიდან, არც ხელისუფლების მომხრეებიდან.

ამ ბოდიშების შემდეგ მორალისტი უზნეოები მოითხოვენ აი, რაღაცნაირ გულწრფელ ბოდიშს, გულწრფელი ბოდიშის შემდეგ მოითხოვენ რამე შუა საუკუნეების თვითგვემის მეთოდის გამოყენებას მოსანანიებლად, – ვთქვათ, თვითგაროზგვას; მერე იტყვიან, რომ ბოდიში და თვითროზგები არასაკმარისია, უნდა აღიაროს დანაშაული, რომელიც არაფრით უმტკიცდება, მაგრამ, ჩვენ, მორალურმა უზნეოებმა ხომ ვიცით, რომ დამნაშავეა;

აი, დანაშაულიც რომ აღიაროს და მოსამართლეს მოსთხოვოს სამუდამო პატიმრობა, შემდეგ ისინი იტყვიან, რომ ახლა ისევე უნდა ეწამოს, როგორც სხვები ეწამნენ – ამას ისე არ ვამბობ, ეგრე მსჯელობენ ზუსტად გონიერი, განათლებული და უზნეო მორალისტები.

შეიძლება სააკაშვილი პოლიტიკურად მოგწონდეს, ან არ მოგწონდეს, შეიძლება ხმა მისცე, ან არ მისცე, მაგრამ მას რა პასუხისმგებლობაც შეეძლო აეღო საკუთარ თავზე, იყო გადადგომა 2007 წელს, და არჩევნებით ხელისუფლების დათმობა 2012 წელს, – ვისთვისაც ეს საკმარისი არ არის, საკმარისი არ იქნება არც ბოდიში, არც წამება, არც დახვრეტა, – შეიძლება რაიმე უფრო პრეადამიანურმა დააკმაყოფილოს – მაგალითად, რკინის ხარში ჩასმამ და ასე ამოწვამ და ამობუგვამ, ან კიდეებამოძრავებულ ჯვარზე დაკვრამ და ნელ-ნელა გაგლეჯვამ, ან საპატრიარქოს ჯიპებზე გამობმამ და თბილისის გარშემო თრევამ, – პრინციპში, ეს უკვე გააკეთეს ნაწილობრივ”, – წერს მინდიაშვილი სოციალურ ქსელში.

ასევე დაგაინტერესებთ:

🔵დიახ, 1 თებევრლამდე ვინც არ აიცრება დაჯარიმდება 4000$-ით-გიორგი ფხაკაძე

🔵სკოლაში სროლას სამი მოსწავლის სიცოცხლე შეეწირა, არიან დაჭრილები

🔵საქართველო და უკრაინა არიან ნატო-ს უახლოეს პარტნიორებს შორის-იან სტოლტენბერგი