„დაუჯერებელი კლინიკური შემთხვევა ამ შუა ევროპაში პროგრესის ეპოქაში! - ქალმა საკუთარ სიკვდილში 200€ გადაიხადა“!

„დაუჯერებელი კლინიკური შემთხვევა ამ შუა ევროპაში პროგრესის ეპოქაში! - ქალმა საკუთარ სიკვდილში 200€ გადაიხადა“! - წერს საფრანგეთში მოღვაწე ქართველი ექიმი, ქეთი ლობჟანიძე ფეისბუკის საკუთარ გვერდზე.

„დაუჯერებელი კლინიკური შემთხვევა ამ შუა ევროპაში პროგრესის ეპოქაში!

პარასკევს რაიმონ პუანკარეს საავადმყოფოში კოვიდით დაიღუპა 50 წლის ქალი, რომელსაც არ აწუხებდა ქრონიკული პათოლოგია და აპრიორი სრულად ვაქცინირებული იყო.

რეანიმაცია საგონებელში ჩავარდა და სიკვდილის მიზეზის ძებნა დაიწყო.

ანტისხეულები საერთოდ არ აღმოაჩნდა და ფაქტის წინაშე როცა დააყენეს ქმარი, აღიარა, რომ ვაქცინაციის სერტიფიკატი ყალბი იყო და ცოლმა აუკრძალა ამის გამხელა იურიდიული პასუხისმგებლობის თავიდან აცილების მიზნით!

ქალმა საკუთარ სიკვდილში 200€ გადაიხადა!

დამძიმებისას მაინც რომ გაემხილა სიმართლე, მანეიტრალიზებელ ანტისხეულებს გადაუსხამდნენ და გადარჩებოდა!

სრულად ვაქცინირებულ ქმარს კონფლიქტი ჰქონდა ცოლთან აუცრელობის გამო, კინაღამ გაყრამდე მივედითო.

არაბი ქალი არ იცრებოდა, ვაქცინა ღორისგან ყოფილა დამზადებული, წავიკითხეო. სამსახურში ტესტით დადიოდა, ვიღაც ჩლუნგ მავნეს "შეეცოდა" და დააკავშირა თაღლითთან, რომელმაც ყალბი სერტიფიკატი გადასცა!

დღეს ეს ქმარი თავს იკლავს, ექიმებს რომ დაუმალა სიმართლე, მე დავღუპეო, გაიძახის და იმ თაღლითს უჩივის ყალბი სერტიფიკატისთვის!

განვითარებულ მედიცინას და მეცნიერებას არ ენდობიან, მავნე იდიოტების გავლენის ქვეშ საკუთარი სურვილით ირჩევენ სიკვდილს!

წერს სოციალურ ქსელში საფრანგეთში მოღვაწე ქართველი ექიმი.

დღის სხვა ამბები:

🔵 „ვინც „ომიკრონს“ მოუმზადებლად ხვდება, ამ ადამიანების 1%, დაახლოებით 14-15 ათასი ადამიანი დაიღუპება“ - ბიძინა კულუმბეგოვი

🔵 COVID 19: 46 გარდაცვლილი და 3 988 ახალი შემთხვევა