„ძალიან მიკვირს იმ ხალხის, რომლებსაც პრეზიდენტის მხრიდან ვეტოს იმედი ჰქონდათ“ - იუსტიციის უმაღლესი საბჭოს ყოფილი წევრი

„ძალიან მიკვირს იმ ხალხის, რომლებსაც პრეზიდენტის მხრიდან ვეტოს იმედი ჰქონდათ“, - წერს იუსტიციის უმაღლესი საბჭოს ყოფილი წევრი, ნაზი ჯანეზაშვილი სოციალურ ქსელში.

„ძალიან მიკვირს იმ ხალხის, რომლებსაც პრეზიდენტის მხრიდან ვეტოს იმედი ჰქონდათ.

ინსპექტორთან დაკავშირებით რეორგანიზაციაც და "საერთო სასამართლოების შესახებ" ორგანული კანონიც მისაღები აღმოჩნდა მისთვის. რაც მე პირადად არ მიკვირს. მიუხედავად იმისა, რომ მოსამართლეებმა ღია წერილიც კი გაავრცელეს ამ უკანასკნელ საკითხზე, მან იქ დასახელებული მთელი რიგი არგუმენტები და
აშშ-ის საელჩოს კრიტიკა მხედველობაში არ მიიღო.

პრეზიდენტი როდესაც ამბობს, რომ "მინდა დავარწმუნო ყველა იმაში, რომ ვიქნები დიდი ყურადღებით კანონის აღსრულების პროცესის მიმართ", ეს ნაწილი როგორი ტყუილი დაპირებაა ერთი მარტივი მიზეზის გამო, რომ მისი უფლებამოსილება არ ვრცელდება მოსამართლეთა მიმართ დისციპლინური სამართალწარმოების პროცესზე. შესაბამისად ამ სიტყვებს რეალური შინაარსი არ გააჩნია, რადგან "დიდი ყურადღება" მექანიზმი არ არის.“ - წერს ნაზი ჯანეზაშვილი  ფეისბუკის საკუთარ გვერდზე.

პრეზიდენტმა „სახელმწიფო ინსპექტორის სამსახურის შესახებ“ კანონში შეტანილ ცვლილებებს ვეტო არ დაადო.

როგორც სალომე ზურაბიშვილის განცხადებაშია აღნიშნული, მან დღეს ხელი მოაწერა „სახელმწიფო ინსპექტორის სამსახურის შესახებ“ კანონში შეტანილ ცვლილებებს, რომელიც ითვალისწინებს სამსახურის გაუქმებასა და მის ნაცვლად ახალი სტრუქტურების ჩამოყალიბებას.

„ამგვარი სტრუქტურული ცვლილებების მიმართ არსებობდა და არსებობს განსხვავებული შეხედულებები, თუმცა ეს გადაწყვეტილება არ შეიცავს თავისთავად კატეგორიული ხასიათის სამართლებრივ წინააღმდეგობას. სამსახურის გაუქმება და ახალი სტრუქტურების დაარსება თავისთავად არ იძლევა საფუძველს პრეზიდენტის მხრიდან სამართლებრივი ხასიათის მოტივირებული შენიშვნებისათვის.

ასევე საინტერესოა:

🔵 ვინ არის ქართველი ემიგრანტი კაცი, რომელიც მკვლელობის ბრალდებით ბერძნებმა სამართალდამცველებმა შეცდომით დააკავეს

🔵 გიორგი ფხაკაძე: კოვიდის არასწორი მკურნალობა ან კლავს ან აინვალიდებს 

🔵 ბრიტანელმა ქალმა ვაჟს ლუციფერი დაარქვა - დედამ მიზეზი ერთ-ერთ სატელევიზიო შოუში ახსნა