ევროკავშირის ქვეყანაში შესვლაზე უარის თქმის მიზეზების განმარტება

ევროკავშირის/შენგენის ზონის ქვეყნებში მოგზაურობისას, საქართველოს მოქალაქე შემოწმებას სასაზღვრო გამტარ პუნქტზე, საპასპორტო კონტროლის დროს გადის, რაც გულისხმობს შემდეგს: მესაზღვრე ოფიცერი საპასპორტო მონაცემებზე დაყრდნობით ამოწმებს ინფორმაციას, მაგალითად, ფიქსირდება თუ არა უვიზო მიმოსვლის პირობების დარღვევა.

ქვეყანაში არ შეშვების ძირითადი მიზეზები შეიძლება იყოს:

📌 მოქმედი სამოგზაურო დოკუმენტის არქონა. (A).
📌 ყალბი სამგზავრო, საიდენტიფიკაციო, ნებართვის, მგზავრობის მიზნის ა.შ. დამადასტურებელი დოკუმენტების წარდგენა (პასპორტი). (B,D).
📌 შესაბამისი კატეგორიის ვიზის ან საცხოვრებელი ნებართვის არქონა. (C).
📌 უვიზოდ მოგზაურობის ვადა (90 დღე 180-დღიან პერიოდში) ამოწურულია. (F).
📌 ქვეყანაში ყოფნის პერიოდისთვის საჭირო ფინანსური რესურსი არ არის საკმარისი; პირს არ აქვს უკან დასაბრუნებელი ბილეთი. (G).
📌 პირზე არსებობს ჩანაწერი/გაფრთხილება შენგენის ან/და ეროვნულ რეგისტრში. (H).
📌 პირი საზოგადოებრივი უსაფრთხოებისთვის საფრთხეს წარმოადგენს. (I).

როგორც წესი, საზღვარზე უარის დროს, პირს ეძლევა განმარტებითი ბარათი. მას შეუძლია გაასაჩივროს გადაწყვეტილება.

თვალი ადევნე სიახლეებს, ჩვენს ვებ გვერდზე!

აგრეთვე დაგაინტერესებთ:

📌რას ნიშნავს ქვეყანაში შესვლაზე უარის თქმა?