ფოტოგამოფენა „იაპონიის საკურა 2022“ გაიხსნა, რომლის მხარდამჭერია მედიამაუწყებელი exclusivetv.ge

ფოტოგამოფენა „იაპონიის საკურა 2022“, რომელიც იაპონიასა და საქართველოს შორის დიპლომატიური ურთიერთობების დამყარების 30 წლის იუბილეს ეძღვნება, ფოთში გუშინ, 20 სექტემბერს გაიხსნა და საგამოფენო სივრცეში ერთ თვეს დარჩება.

დამთვალიერებელს შესაძლებლობა აქვს ნახოს ულამაზესი ფოტოები, რომელიც იაპონიაში საკურას ყვავილობის პერიოდს ასახავს.

საგამოფენო სივრცეში წარმოდგენილია იაპონიის საელჩოს პირველი მდივნის ბატონი იმანიში ტაკაოს მიერ გადაღებული საკურას ფოტოები იაპონიაში.  

როგორც იმანიში ტაკაოსმა გამოფენის გახსნაზე მისასალმებელ სიტყვაში აღნიშნა, იაპონიის საელჩომ ძალიან მოხარულია ამ ფოტოგამოფენის გახსნით.

„მოხარული ვარ, რომ წელს ჩვენი ქვეყნები აღნიშნავს დიპლომატიური ურთიერთობების 30 წლის იუბილეს. ეს ფოტოები მე გადავიღე წელს იაპონიაში ამ გაზაფხულზე და ძალიან გამიხარდება, თუ ბევრი ადამიანი ნახავს.“ - განაცხადა  იაპონიის საელჩოს პირველი მდივანმა.

ფოტოგამოფენა „იაპონიის საკურა 2022“ მედიამხარდამჭერი და სპონსორია  „exclusivetv.ge“, ასევე გამოფენის მხარდამჭერია ფოთის მუნიციპალიტეტის მერია.

როგორც „exclusivetv.ge“ გენერალური დირექტორი ხათუნა შარაძე ამბობს,  მედიამაუწყებელი ექსკლუზივიტივი მნიშვნელოვან დროს უთმობს სხვადასხვა ქვეყნებში არსებული დიპლომატიური თუ დიასპორული მისიების გაშუქებას.

„მე, როგორც საზღვარგარეთ მცხოვრები დიასპორის წარმომადგენელი და ამავე დროს ჟურნალისტი, სრულად ვიზიარებ დიპლომატიური ურთიერთთანამშრომლობის პროცესში ხელოვნებისა და კულტურის როლს, როგორც ყველაზე ჰუმანურ ხიდს თანამეგობრობის და ერთა შორის მყარი კავშირების საშუალებას. ჩვენ თვალს ვადევნებთ იაპონიის საელჩოს საქართველოში მოღვაწეობას, რომელსაც თავისი წვლილი შეაქვს ჩვენი ქვეყნის განვითარებაში. გამომდინარე აქედან, ჩვენთვის დიდი პატივია ექსკლუზივიტივი წარმოადგენდეს ფოტო გამოფენა „იაპონიის საკურა 2022“-ს სპონსორსა და საინფორმაციო მხარდამჭერს.

საკურას ყვავილობა სამყაროსეულ მოვლენათა შორის, ერთ-ერთი მნიშვნელოვანი ციკლია, როცა მისი ყვავილობის ხანმოკლე პერიოდში მსოფლიოს ყურადღება ამ ულამაზესი მოვლენისკენ არის მიმართული. მადლობა დათმობილი დროისთვის, გისურვებთ წარმატებებს“ - განაცხადა ხათუნა შარაძემ.

იაპონიის სიმბოლო, საკურა გაზაფხულზე მხოლოდ ორი კვირა ყვავის, აყვავდება და თვალის დახამხამებაში ქრება.  თუმცა გაზაფხულზე, საკურას ყვავილობის ზენიტში, იაპონიის არქიპელაგი თვალწარმტაცია. იაპონელები და უამრავი ტურისტი, რომელიც სპეციალურად ჩადის ქვეყანაში საკურას ყვავილობის დროს ტკბებიან საკურას ცქერით.

2022 წელი ორ ქვეყანას შორის დიპლომატიური ურთიერთობების საიუბილეო თარიღია, რის გამოც საელჩო სხვადასხვა ღონისძიებების ჩატარებას გეგმავს.

ასევე საინტერესოა:

🔵 ირაკლი ღარიბაშვილი - საქართველო და თურქეთი დიდი ხნის პარტნიორები და კარგი მეზობლები ვართ და მტკიცედ ვიკისრეთ ჩვენი სტრატეგიული პარტნიორობის შემდგომი განვითარების ვალდებულება

🔵 "საქართველო გმობს სახიფათო ესკალაციას ჩვენს ორ მეზობელსა და მეგობარს, სომხეთსა და აზერბაიჯანს შორის" - პრეზიდენტი

🔵 „ვადასტურებ ბესარიონ ალავიძის მიერ ინტერვიუში ზეწოლის ფაქტს. ეს განვახორციელეთ ჩვენ სუსმა მიხეილ ჩინჩალაძის მოთხოვნის შემდეგ“ - გოგაშვილის სკანდალური აღიარება