გიორგი კალანდარიშვილი: არც ეუთო/ოდირის და არც ეუთოს საპარლამენტო ასამბლეის რეზოლუციაში არ წერია, რომ არჩევნები გაყალბდა

 არც ეუთო/ოდირის და არც ეუთოს საპარლამენტო ასამბლეის რეზოლუციაში არ წერია, რომ არჩევნები გაყალბდა. ვერსად ვერ ვნახავთ ჩვენ ასეთ ჩანაწერს, - განაცხადა გადაცემაში „დღის ქრონიკა“ ცენტრალური საარჩევნო კომისიის თავმჯდომარემ გიორგი კალანდარიშვილმა.

„ჩვენ შეგვიძლია გადავხედოთ თითქმის ყველა ქვეყნის შემთხვევაში, სადაც ოდირი საუბრობს გარკვეულ მიგნებებზე, გარკვეულ დარღვევებზე, ყველგან არის მოცემული რეკომენდაციები და ეს არის ძალიან ნორმალური პროცესი, რადგან ეს არ ნიშნავს იმას, რომ ეუთო უნდა ჩამოვიდეს იმიტომ, რომ რომელიმე ინსტიტუტის, ან პროცესის ქება-დიდება მოახდინოს. ეს არის ჯანსაღი პროცესი, რომელიც საარჩევნო პრაქტიკის ნაწილია, ეს გვხვდება ყველა ქვეყანაში. მთავარია ის, რომ ეს დარღვევები არ იყოს იმ სახის და ხასიათის, რომელსაც შეუძლია არჩევნების შედეგებზე რაიმე გავლენის მოხდენა.

როდესაც არსად არ წერია ახალი არჩევნების საჭიროება, როდესაც მითითება არ არის არჩევნების გაყალბებაზე და ა.შ. ბუნებრივია გვაძლევს იმ დასკვნის გაკეთების შესაძლებლობას, რომ დოკუმენტში არსად საუბარი შედეგების ლეგიტიმაციის უგულებელყოფასთან დაკავშირებით არ არსებობს“, - აღნიშნა გიორგი კალანდარიშვილმა.