"ისე გადავალთ მე-6 ტალღაში, ვერც შევიტყობთ" - სპეციალისტების შეფასება საქართველოში არსებულ ეპიდვითარებაზე

ეპიდემიოლოგიური მდგომარეობა სპეციალისტების მიერ საგანგაშოდ ფასდება. საქართველოში სადღესასწაულო პერიოდში მობილობის ზრდა ინფიცირებულთა და შესაბამისად ლეტალობის მაჩვენებლების ზრდას გამოიწვევს.

ეპიდემიოლოგების განცხადებით, ქვეყანაში მეექვსე ტალღის დაწყების საშიშროება დგას.

"მდგომარეობა არანაირად არ გვაძლევს დამშვიდების საშუალებას.

ისე გადავალთ მე-5 ტალღიდან მე-6 ტალღაში, რომ ამას ვერც შევიტყობთ, ისე სწრაფად იქნება ამის გავრცელება.

ბუსტერი, რომელიც არსებობს, ეს არის ერთადერთი დაცვის საშუალება",- განაცხადა ექსპერტმა ჯანდაცვის საკითხებში დევი ტაბიძემ.

ექიმები მოსახლეობას კვლავ იმუნიზაციის პროცესში აქტიურად ჩართვისა და რეგულაციების დაცვისკენ მოუწოდებენ.

"დაინფიცირებულთა რიცხვის კლება ჯერჯერობით არ შეინიშნება.

თუ არ იქნება დაცული რეკომენდაციები, თუ არ იქნება მომატებული და კიდევ უფრო მეტი პროცენტული მაჩვენებელი ნიღბის ტარების და თუ ვაქცინაციის პროცესი არ იქნება კიდევ უფრო მზარდი, ასეთ შემთხვევაში.

რა თქმა უნდა, ომიკრონის სწრაფი გავრცელებადობიდან გამომდინარე, შესაძლოა ჩვენ გარკვეული პრობლემები შეგვექმნას და დაინფიცირებულთა რიცხვის მატება შეინიშნებოდეს", – აცხადებს პროფესორი მაკა ბულეიშვილი.

სხვა სიახლეები:

🔲 ასტროლოგი გვეტყვის, როგორ უნდა ვუმკურნალოთ პაციენტს - რას წერს გიორგი ფხაკაძე?

🔲 „ომიკრონ“ შტამი მსოფლიოს 76 ქვეყანაშია დადასტურებული - შემთხვევების რაოდენობა 111%-ით გაიზარდა - ჯანმო

🔲 Covid 19-ით კიდევ 45 ადამიანი გარდაიცვალა - გამოჯანმრთელდა 4 127 პაციენტი