კი დააბრალებ ყველაფერს ექიმი კორონას, მაგრამ შენ თავად ხომ იცი, რაც და როგორ იყო? - იაგო ფრანგიშვილი

გერმანიაში მოღვაწე ქართველი ექიმი იაგო ფრანგიშვილი ქართული ჯანდაცვის სისტემას და იმ ექიმებს აკრიტიკებს, რომლებიც კოვიდ ინფიცირებულ პაციენტებს მკურნალობენ. ფრანგიშვილი კოლეგებს, მკურნალობის მეთოდებს უწუნებს და მითითებებს აძლევს.

“კიდევ ერთი ადამიანი… ახალგაზრდად ითვლება 66 წლის ასაკი, ორჯერ ვაქცინირებული გარდაიცვალა… რითი? საქართველოს ჯანდაცვას თუ ვკითხავთ და იმ კლინიკებს, სადაც იყო, გეტყვიან კოვიდით, კორონათიო… არადა, გარდაიცვალა იმიტომ, რომ კორონიანთან კონტაქტის მერე დაუდასტურდა კორონა, გაუკეთეს ყველა ანალიზი და უთხრეს, რომ ფილტვში დაზიანებააო “9 ქულა”…  ისევ და ისევ ეს იდიოტური, დეგენერატული, იმბეცილური, სულელური ქულები არ არსებობს, არავითარი ქულები…

არსებობს დიაგნოზისკენ მითითება… რა ანთებითი უფროა, შეშუპებითი უფროა, ინტერსტიციული უფროა, ლოკალურ სეგმენტური უფროა და ასე შემდეგ… აი, ეს არსებობს და აქვს აზრი… ქულების აზრი არის ნული, თუ არ იცი და არ ადგენ რა ტიპის დაზიანებაა. – ეს ვერ გაიგეს და ილაპარაკე ასე მარტოდმარტო.

ეს მამაკაცი “9 ქულიანი” ფილტვის “დაზიანებით”… ხო ასე უთხრეს… გადაიყვანეს “კოვიდ კლინიკაში”. ჯერ ერთში და მერე მეორეში – იმობილიზაცია, გადასხმები… როგორც იციან ხოლმე ლიტრობით რაღაცა წამლები, კილოობით დამძიმდა… ბოლოს და ბოლოს დაუდგინდა ფილტვის შეშუპება, ანუ, ასხავ და ასხავ სითხეს და არ აკონტროლებ რამდენი გამოდის, ეს ყველაფერი დაახლოებით 7 თუ 8 კვირის მანძილზე ბოლოს კი, ჰემოდიალიზის მიუხედავად, რომელიც ბოლო დღეებში ჩაუტარეს, ვერ გამოვიდა ადამიანი ამ მდგომარეობიდან და გარდაიცვალა.

აი, რა არის ახლა ეს? ამიხსენით ვინმემ, რას უსხამთ ადამიანს, რომელსაც ჭამა-სმა შეუძლია, ან რატომ მიგყავთ იმ კლინიკაში? ან თუ მიგყავთ, სითხის ბალანსი მაინც გააკეთეთ, აწონეთ პაციენტი და გაითვალისწინეთ, რომ ჭარბწონიანი დღეში დაახლოებით 500 გრამს კარგავს, ანუ, ეს 500 გრამი იქცევა სითხედ, ის ცილა კუნთში დენატურირდება წოლის გამო და იქცევა სითხედ, და თუ შენ კიდევ უსხი და უსხი სითხე ლიტრობით, და არ შეამოწმე რამდენი გამოჰყო, მოხდება ფილტვის ქსოვილში ჟანგბადის მიმოცვლის შეზღუდვა და სატურაციის დაქვეითება, ასეთ ავადმყოფს თუ ცეპაპი ან ინვაზიური მართვის სუნთქვა მიეცი, 10 და 20 მილიბარით თუ ჩატუმბე იქ ჰაერი და ჟანგბადი, ეს სითხე გადავა ქსოვილში და უფრო დაგუბება, დამძიმდება და კატასტროფული გამოსავალი ექნება.

ალბათ მეასეჯერ ვწერ, კი დააბრალებ ყველაფერს ექიმი კორონას, მაგრამ შენ თავად ხომ იცი, რაც და როგორ იყო? უბრალოდ საკუთარ თავს გაუფრთხილდით მაინც, არ მოგასვენებთ ქვეცნობიერება”, – წერს, იაგო ფრანგიშვილი სოციალურ ქსელში.

ასევე წაიკითხეთ:

🔵დიახ, 1 თებევრლამდე ვინც არ აიცრება დაჯარიმდება 4000$-ით - გიორგი ფხაკაძე

🔵გიგი უგულავა სასამართლომ 3 ათას ლარიანი ჯარიმის სანაცვლოდ გათავისუფლდა

🔵7 ნოემბერს რომ გვესროლეს და გაზით დაგვხოცეს, დიდი წილი ამ ეკიპირებისა და აპარატურის ბიძინას ფულით იყო ნაყიდი-დავით ბერძენიშვილი