"კომიკურ ორგანიზაციად გარდაიქმნა, ჩემთვის არ არის საინტერესო მათი აქციები" - პრემიერი ნაცებზე

 "მე ვფიქრობ, ჩვენი ხალხი ამას ხედავს ყოველდღე, რომ ეს რადიკალურ-ექსტრემისტული პარტია რეალურად რაღაც კომიკურ ორგანიზაციად გარდაიქმნა. მათ აირჩიეს ახალი თავმჯდომარე", - ამის შესახებ საქართველოს პრემიერმინისტრმა, ირაკლი ღარიბაშვილმა განაცხადა.

"მათი ყველა უსუსური მცდელობა კიდევ ერთხელ მიუთითებს იმაზე, რომ ეს არის ყოვლად გაკოტრებული, დისკრედიტირებული და მარგინალიზებული რადიკალური ძალა.

რა თქმა უნდა, ჩემთვის არ არის საინტერესო არც მათი აქციები, არც მათი ეს უაზრო განცხადებები. ჩვენ მთავარი უნდა ვაკეთოთ - საქმე, ვემსახურით ჩვენს ქვეყანას, ჩვენს ხალხს, რაც ჩვენს ხალხს სჭირდება, ის უნდა ვაკეთოთ მხოლოდ.

ჩემთვის საინტერესო ნამდვილად არ არის, ისინი რას გეგმავენ, ჩემთვის მთავარია, რომ ყველა ის გამოწვევა, რომელიც ჩვენი ქვეყნის წინაშე დგას, ჯერ კიდევ ძალიან ბევრი საკითხია მოუგვარებელი, ეს ყველა საკითხი გადავჭრათ, მოვაგვაროთ და კიდევ უფრო ძლიერი და მაგარი ქვეყანა გვქონდეს, ვიდრე არის დღეს", - განაცხადა ღარიბაშვილმა.

მას შემდეგ, რაც ექსპრეზიდენტ მიხეილ სააკაშვილს სასამართლომ სასჯელი არ გადაუვადა, პარტიის თავმჯდომარე ლევან ხაბეიშვილი და წევრები თბილისსა და რეგიონებში აქციებს მართავენ. საპროტესტო აქცია გაიმართა პრემიერის სახლთანაც.

ასევე დაგაინტერესებთ:

* ბოლო მონაცემებით, მიწისძვრის შედეგად თურქეთში 20 000-ზე მეტი ადამიანი დაიღუპა, სირიაში კი 3 500-ზე მეტი

* მიწისძვრის შედეგად ჩამონგრეული 12 სართულიანი საცხოვრებელი კომპლექსის მეპატრონე დააკავეს

* პოლიციელი ქალი და მისი 15 და 10 წლის გოგონები ნანგრევების ქვეშ დაიღუპნენ