მალე ქართველი ემიგრანტებისთვის და არა მხოლოდ ონლაინ - სკოლა გაიხსნება

„მალე LIB.GE-ს ონლაინ-სკოლა გაიხსნება - ქართველი ემიგრანტებისთვის და არა მხოლოდ“. - განაცხადა ეროვნული ბიბლიოთეკის დირექტორმა, გიორგი კეკელიძემ.

Exclusivetv.ge გიორგი კეკელიძეს დამატებითი ინფორმაციისთვის დაუკავშირდა:

გიორგი კეკელიძე: „LIB.GE“ დაახლოებით 10 წლის, თუ შეიძლება ასე ითქვას, წყვეტის შემდეგ უბრუნდება ონლაინ სივრცეს და უბრუნდება ახალი პროექტით, რომელსაც ჰქვია „LIB აკადემია“. ეს მოიცავს საქართველოში კონკრეტული მიმართულების სალექციო  კურსებს და შესაბამისად იქნება სფეროები, რომლებიც იქნება წარმოდგენილი ამ სალექციო კურსებისათ.

პირველად ვაპირებთ ვისაუბროთ მენტალურ ჯანმრთელობაზე და იმ პრობლემებზე, რომლებიც გარკვეულ წილად ამ მიმართულებით თვალსაჩინოა საქართველოში და ამავდროულად „LIB აკადემია“ დააფუძნებს ონლაინ სკოლას.

სკოლა დიდწილად ბუნებრივია იმუშავებს ქართველ ემიგრანტ ბავშვებთან და ამ ეტაპზე, ეს წარმოდგენილი იქნება იტალიაში, საბერძნეთში და შესაძლოა ესპანათშიც. ვმუშაობთ კიდევ რამდენიმე ქვეყნის მიმართულებით.

გაკვეთილები ჩატარდება ქართულ ლიტერატურაში, მართლწერაში, ისტორიაში და ამ მიმართულებითაც, გზადაგზა ვფიქრობთ უფრო განვითარებას. გვაქვს ამბიცია, რომ დაახლოებით ერთ წელიწადში ძალიან სერიოზულ ონლაინ სკოლად ჩამოვყალიბდეთ.

ესაუბრა ხათუნა შარაძე

აგრეთვე დაგაინტერესებთ: 

📌 გენერალურ კონსულს, ვახტანგ ანდღულაძეს ქალაქ ბარის კონფინდუსტრიის ოფისმა უმასპინძლა

📌 ევროკავშირში მგზავრობის მსურველთა საყურადღებოდ!!!

📌 რა არის ETIAS? - უვიზო მიმოსვლით მოსარგებლე ქვეყნიდან ევროპაში მოგზაურობთ?