მამუკა ხაზარაძე: ხვალ 3 წლიანი პოლიტიკური სასამართლო დევნის ბოლო სხდომაა!

„ხვალ 3 წლიანი პოლიტიკური სასამართლო დევნის ბოლო სხდომაა“! - ამის შესახებ პარტია „ლელოს“ ლიდერი მამუკა ხაზარაძე ფეისბუკის საკუთარ გვერდზე წერს.

„1. ფულის გათეთრება არ ყოფილა.

2. ფულის მითვისება არ ყოფილა.

3. საქმეს არ ჰყავს დაზარალებული და მომჩივანი.

4. საქმე არის პოლიტიკურად მოტივირებული.

5. პროკურატურის ბრალდების შემდეგ, ბანკის საერთაშორისო აქციონერებმა სპეციალური გამოძიების ჩატარების შედეგად 2019 წლის 24 ივნისს 98% ხმათა რაოდენობით მე და ბადრი თავიდან აგვირჩიეს ბანკის სამეთვალყურეო საბჭოს თავმჯდომარედ და მოადგილედ.

6. დღესაც ვამაყობთ რაც 2008 წელს გავაკეთეთ.

7. გადავარჩინეთ საქართველოს საბანკო-საფინანსო სისტემა ჩამოშლას ჩვენი პირადი ინტერესის ხარჯზე, გადავარჩინეთ მეანაბრეები თანხის დაკარგვას, ათასობით "თიბისელი" სამსახურიდან განთავისუფლებას.

8. ახლაც ზუსტად იგივეს გავაკეთებდით.

9. ვერ შეგვაშინებთ, ვერ გაგვაჩერებთ, ანაკლიასაც ავაშენებთ და სამართლიან სახელმწიფოსაც.“ - წერს ლელოს ლიდერი სოციალურ ქსელში.

მამუკა ხაზარაძეს, ბადრი ჯაფარიძესა და ავთანდილ წერეთელს ბრალი 2019 წლის 24 ივლისს ჯგუფურად, 2 მილიონამდე ამერიკული დოლარის უკანონო შემოსავლის ლეგალიზაციის ფაქტზე წაუყენეს, რასაც თან ახლდა განსაკუთრებით დიდი ოდენობით შემოსავლის მიღება. 

დღის სხვა ამბები:

🔵 პრეზიდენტმა პატრიარქს ეროვნული თანხმობის პროცესის დაწყების შესახებ საკუთარი ინიციატივა წარუდგინა

🔵 ოპოზიციური პარტიების ლიდერები ერთობლივ შეხვედრას მართავენ