"მაქვს მოლოდინი, რომ "ნაციონალური მოძრაობა" მარცხს არ დასჯერდება და შეეცდება გარკვეული ინციდენტების ორგანიზებას"- თეა წულუკიანი

კულტურის მინისტრმა, თეა წულუკიანმა ადგილობრივი თვითმმართველობის არჩევნების მეორე ტურში საკუთარი არჩევანი უკვე დააფიქსირა.

როგორც წულუკიანმა აღნიშნა, დღეს სახლში დარჩენის დრო არ არის.

მინისტრის განცხადებით, "ნაციონალური მოძრაობისგან" პროვოკაციების მოწყობას არ გამორიცხავენ.

"დღეს თბილისში რა თქმა უნდა ხმას ვაძლევთ კახა კალაძეს. ასევე, ყველა იმ მუნიციპალიტეტში, სადაც მეორე ტური იმართება, ხმას ვაძლევთ "ქართული ოცნების" კანდიდატებს – არც თბილისში, არც ქუთაისში, არც ბათუმში, არც ზუგდიდში, არც ფოთში და არც არსად არ დაბრუნდება „ნაციონალური მოძრაობა“, ის არ უნდა დაბრუნდეს, რადგან ის ბნელი წარსული ყველას გვახსოვს და ასევე, ვხედავთ, რას აკეთებს „ქართული ოცნება“.

მიუხედავად ბევრი სირთულისა, მიუხედავად რთული საკითხებისა, რომელიც რჩება გადასაჭრელი ამ ქვეყანაში. ეკონომიკური პრობლემები, მიმდინარე ოკუპაცია – ამ საკითხებს "ქართული ოცნება", სირთულეების მიუხედავად ეჭიდება და აკეთებს ძალიან ბევრ საქმეს.

მე მაქვს მოლოდინი, რომ "ნაციონალური მოძრაობა" მარცხს არ დასჯერდება და ის რა თქმა უნდა, შეეცდება გარკვეული ინციდენტების ორგანიზებას, იქნება ეს სამეგრელოსა თუ იმერეთში, ან სხვაგან, რატომაც არა თბილისში, რადგან იციან, რომ მარცხდებიან, მაგრამ ჩვენ უნდა ვიყოთ მობილიზებული. რაც ყველაზე მნიშვნელოვანია, სახელმწიფო არ მისცემს გასაქანს მათ არც ერთ გეგმას, რომელიც მიმართული იქნება არეულობისა და მოქალაქეების, ახალგაზრდებისთვის მომავლის პერსპექტივის ჩაკეტვისკენ", – განაცხადა თეა წულუკიანმა.

ასევე დაგაინტერესებთ:

🔵საქართველოში ადგილობრივი თვითმმართველობის არჩევნების მეორე ტური მიმდინარეობს

🔵ადგილობრივი თვითმმართველობის არჩევნებში გამარჯვებული 44 მუნიციპალიტეტის მერი საქმიანობას შეუდგა

🔵ბიძინა ივანიშვილმა საარჩევნო უბანზე საკუთარი არჩევანი დააფიქსირა